وسى جۇمىس ءماجىلىستىڭ بارىسىندا قالانى ينفراقۇرىلىمدىق دامۋ سالاسىندا جوسپارلانعان جوبالارىن ىسكە اسىرۋ كەزەڭى تالقىلاندى.
كولىك دامۋى، قالا ورتاسىن اباتتاندىرۋ، تۇرعىن ءۇي قۇرىلىسى، ءبىلىم جانە مادەنيەت وبەكتىلەرىن جوندەۋ سالاسىندا مىندەتتەردى ىسكە اسىرۋ ستاتۋسى قارالدى. بۇل تۋرالى وبلىس اكىمدىگىنىڭ رەسمي سايتى جازدى.
قوستاناي قالاسىنىڭ اكىمى بازىل جاقىپوۆ ءوز بايانداماسىندا اتاپ وتكەندەي، اعىمداعى جىلدىڭ ەسەپتىلىك كەزەڭىندە قوستاناي قالاسىنىڭ الەۋمەتتىك-ەكونوميكالىق دامۋ كورسەتكىشتەرى بويىنشا وڭ ديناميكاعا قول جەتكىزىلدى.
سونداي-اق، قوستاناي قالاسىندا 2018 جىلى تاۋلىگىنە 25 توننا قۋاتتىلىعىمەن نان-توقاش ونىمدەرىن ءوندىرۋ بويىنشا زاۋىت قۇرىلىسىنىڭ باستالۋى جوسپارلاندى. جوبانىڭ باعاسى 900 ملن. تەڭگە، 120 جاڭا جۇمىس ورنى قۇرىلادى.
تۇرعىن ءۇي قۇرىلىسى سالاسىندا بارلىعى 2016 جىلدان باستاپ 2020 جىلعا دەيىن قوستاناي قالاسىندا مەملەكەتتىك جانە جەكە قۇرىلىسپەن ازىرلەنگەن 1 ملن. شارشى مەتردەن استام تۇرعىن ءۇيدى پايدالانۋعا ەنگىزۋ كوزدەلدى.
[caption id="attachment_32382" align="alignleft" width="489"]
![](/uploads/images/20240128004001592.jpg)
سونداي-اق قازىرگى ۋاقىتتا قوستاناي قالاسىنىڭ اۋماعىن الەۋمەتتىك-ەكونوميكالىق جانە كەشەندى دامىتۋ ءۇشىن باس جوسپاردى تۇزەتۋدى قاجەت ەتەدى، سەبەبى قالانىڭ باس جوسپارى بۇعان دەيىن ورىندالىپ قويعان. ءماجىلىس بارىسىندا قالانى دامىتۋ كونسەپسياسى بەكىتىلدى.
اتالعان كونسەپسياعا سايكەس، قازىرگى ۋاقىتتا 2 جوبا ازىرلەنەدى.
«قوستاناي اۋلالارى» باعدارلاماسى. باعدارلامانى ىسكە اسىرۋ ءۇشىن 2018 جىلى 27 اۋلا اۋماقتارىن اباتتاندىرۋ جوسپارلاندى.
2016-2017 جىلدارى جالپى سوماسى 475،0 ملن. تەڭگەگە 70 كوپ قاباتتى ۇيلەردىڭ قاس بەتتەرىن سىرلاۋ بويىنشا جۇمىستار ورىندالدى، 2018 جىلدىڭ جوسپارى بويىنشا اتالعان جۇمىستار ودان ارى جالعاسادى.
اعىمداعى جىلى «اقىلدى قالا» جوباسىن ىسكە اسىرۋ ماقساتىندا ءبىرىڭعاي ديسپەچەرلىك پۋنكتىمەن دالا جارىقتارىنا اۆتوماتتىق جۇيە ەنگىزۋ بويىنشا كونسەپسيانى ازىرلەۋ باستالدى. 2018 جىلى كوشەلەردى قايتا جاڭارتۋ اياسىندى گاگارين، تاۋەلسىزدىك، لەرمونتوۆ، نابەرەجنايا، التىنسارين، كاربىشيەۆ، ۆ. ينتەرناسيوناليستوۆ، ەنەرگەتيكوۆ، پاۆلوۆ كوشەلەرىن، اباي داڭعىلى بويىنشا اتالعان جۇيەنى ەنگىزۋ جوسپارلاندى.
2018 جىلى ورتالىق ستاديوندى قايتا جاڭارتۋدىڭ ءۇشىنشى كەزەڭىن اياقتاۋ كوزدەلىپ وتىر. سونىمەن قاتار 2018 جىلى فۋتبول اكادەمياسىن قايتا جاڭارتۋ قولعا الىنباق.