Osy jumys májilistiń barysynda qalany ınfraqurylymdyq damý salasynda josparlanǵan jobalaryn iske asyrý kezeńi talqylandy.
Kólik damýy, qala ortasyn abattandyrý, turǵyn úı qurylysy, bilim jáne mádenıet obektilerin jóndeý salasynda mindetterdi iske asyrý statýsy qaraldy. Bul týraly oblys ákimdiginiń resmı saıty jazdy.
Qostanaı qalasynyń ákimi Bazyl Jaqypov óz baıandamasynda atap ótkendeı, aǵymdaǵy jyldyń eseptilik kezeńinde Qostanaı qalasynyń áleýmettik-ekonomıkalyq damý kórsetkishteri boıynsha oń dınamıkaǵa qol jetkizildi.
Sondaı-aq, Qostanaı qalasynda 2018 jyly táýligine 25 tonna qýattylyǵymen nan-toqash ónimderin óndirý boıynsha zaýyt qurylysynyń bastalýy josparlandy. Jobanyń baǵasy 900 mln. teńge, 120 jańa jumys orny qurylady.
Turǵyn úı qurylysy salasynda barlyǵy 2016 jyldan bastap 2020 jylǵa deıin Qostanaı qalasynda memlekettik jáne jeke qurylyspen ázirlengen 1 mln. sharshy metrden astam turǵyn úıdi paıdalanýǵa engizý kózdeldi.
[caption id="attachment_32382" align="alignleft" width="489"]
????????????????????????????????????[/caption]
Sondaı-aq qazirgi ýaqytta Qostanaı qalasynyń aýmaǵyn áleýmettik-ekonomıkalyq jáne keshendi damytý úshin bas jospardy túzetýdi qajet etedi, sebebi qalanyń bas jospary buǵan deıin oryndalyp qoıǵan. Májilis barysynda qalany damytý konsepsıasy bekitildi.
Atalǵan konsepsıaǵa sáıkes, qazirgi ýaqytta 2 joba ázirlenedi.
«QOSTANAI AÝLALARY» baǵdarlamasy. Baǵdarlamany iske asyrý úshin 2018 jyly 27 aýla aýmaqtaryn abattandyrý josparlandy.
2016-2017 jyldary jalpy somasy 475,0 mln. teńgege 70 kóp qabatty úılerdiń qas betterin syrlaý boıynsha jumystar oryndaldy, 2018 jyldyń jospary boıynsha atalǵan jumystar odan ary jalǵasady.
Aǵymdaǵy jyly «Aqyldy qala» jobasyn iske asyrý maqsatynda biryńǵaı dıspecherlik pýnktimen dala jaryqtaryna avtomattyq júıe engizý boıynsha konsepsıany ázirleý bastaldy. 2018 jyly kóshelerdi qaıta jańartý aıasyndy Gagarın, Táýelsizdik, Lermontov, Naberejnaıa, Altynsarın, Karbyshev, V. Internasıonalısov, Energetıkov, Pavlov kóshelerin, Abaı dańǵyly boıynsha atalǵan júıeni engizý josparlandy.
2018 jyly Ortalyq stadıondy qaıta jańartýdyń úshinshi kezeńin aıaqtaý kózdelip otyr. Sonymen qatar 2018 jyly Fýtbol akademıasyn qaıta jańartý qolǵa alynbaq.
