قوستاناي وبلىسىندا شايبالى حوككەي كوماندالارىن قاجەتتى سپورتتىق جاراقپەن قامتاماسىز ەتۋ ماقساتىندا ءىرى كولەمدە قارجى ءبولۋ جوسپارلانىپ وتىر، دەپ حابارلايدى Dalanews.kz
اتالعان باستاما بويىنشا تاپسىرىس بەرۋشى رەتىندە قوستاناي وبلىسىنىڭ دەنە شىنىقتىرۋ جانە سپورت باسقارماسى اكىمشىلىگى ۇسىنىس جاساعان. رەسمي مالىمەتتەرگە سايكەس، بولىنەتىن قاراجات ايماقتىق حوككەي كلۋبتارىنىڭ سپورتتىق جيىنتىقتارىن ساتىپ الۋعا، الداعى وتەتىن وقۋ-جاتتىعۋ جيىندارىن ۇيىمداستىرۋعا، سونداي-اق كوماندالاردىڭ دايىندىق كەزەڭىندە سپورتشىلاردىڭ جول شىعىندارىن قامتاماسىز ەتۋگە باعىتتالادى. بۇل شارالار 2026 جىلى وتەتىن تۋرنيرلەرگە الدىن الا بەكىتىلگەن رەگلامەنت تالاپتارىنا سايكەس ەسەپتەلگەن.
جوسپارلانعان ساتىپ الۋدىڭ جالپى قۇنى ناقتى 1 118 534 482،75 تەڭگەنى قۇرايدى. كونكۋرسقا قاتىسۋ ءۇشىن وتىنىمدەر 26 جەلتوقسان كۇنى قابىلدانا باستايدى جانە 2026 جىلدىڭ 8 قاڭتارىنا دەيىن جالعاسادى.
اتالعان قارجىلاندىرۋ وڭىردە شايبالى حوككەيدى دامىتۋعا، سپورتشىلاردىڭ كاسىبي دەڭگەيىن ارتتىرۋعا جانە حالىقارالىق جارىستارعا ساپالى دايىندالۋىنا وڭ ىقپال ەتپەكشى دەيدى تاپسىرىس بەرۋشى تاراپ.
