ەل پرەزيدەنتى قاسىم-جومارت توقايەۆتىڭ باستاماسىمەن ءساۋىر ايىنىڭ باسىندا ىسكە قوسىلعان «تازا قازاقستان» باعدارلاماسىن قوستانايلىقتار اۋقىمدى تۇردە قولداۋدى جالعاستىرۋدا. بۇل باستامانىڭ ماقساتى – حالىقتىڭ ەكولوگيالىق حاباردارلىعىن ارتتىرۋ جانە وبلىستىڭ ءارتۇرلى ايماقتارىنداعى قورشاعان ورتانى جاقسارتۋ.

باعدارلاما اياسىندا وڭىردە ءقازىردىڭ وزىندە اۋماقتاردى تازارتۋ جانە اباتتاندىرۋ، قالدىقتاردى جيناۋ جانە قايتا وڭدەۋ بويىنشا اۋقىمدى ءىس-شارالار، سونداي-اق ازاماتتاردىڭ ەكولوگيالىق ساۋاتتىلىعىن ارتتىرۋعا باعىتتالعان اعارتۋ جۇمىستارى جۇرگىزىلدى.

باعدارلامانى جۇزەگە اسىرۋدا جەرگىلىكتى كاسىپورىندار جانە قوعامدىق ۇيىمدارمەن ىنتىماقتاستىق ماڭىزدى ءرول اتقارادى. ءىس-شارالارعا بيزنەس-قاۋىمداستىق، جاستار، سپورتشىلار مەن ەتنومادەني بىرلەستىك وكىلدەرى بەلسەندى قاتىسۋدا.

ليساكوۆ قالاسىندا، قالا كۇنىن مەرەكەلەۋ اياسىندا ۇيىمداستىرىلعان ءداستۇرلى كارناۆال شەرۋىنە 28 ۇيىم قاتىستى. سونداي-اق، اتالعان شارادا جرو ماماندارى مەن ۆولونتەرلەرى جاسىل ءتۇستى كيىم كيىپ، ترانسپورانت، لوگوتيپى بار جالاۋشالار ۇستاپ،  «تازا قازاقستان» ۇرانىمەن ءجۇرىپ ءوتتى. سونىمەن قاتار، «تازا قازاقستان» ۇلتتىق جوباسى اياسىندا قالا كۇنى «ۇزدىك اۋلا» قالالىق بايقاۋىنىڭ قورىتىندىسى شىعارىلدى. ۇيلەر مەن جەرگىلىكتى اۋماقتى اباتتاندىرۋ، كۇتىپ ۇستاۋعا بەلسەندى اتسالىساتىن تۇرعىندارعا سەرتيفيكات تابىستالدى. مۇنداي سەرتيفيكات ۇزدىكت دەپ تانىلعان اۋلانى ودان ءارى اباتتاندىرۋ بويىنشا ءىس-شارالاردى قارجىلاندىرۋ قۇقىعىن بەرەدى. بيىل ليساكوۆسك قالاسىنداعى ەڭ ۇزدىك ءۇش اۋلا وسىنداي ىنتالاندىرۋعا يە بولدى.

تۇرعىندار اراسىندا ەكولوگيالىق مادەنيەتتى قالىپتاستىرۋ ەستافەتاسىن اۋليەكول ءوڭىرىنىڭ تۇرعىندارى دا قولدادى. بۇگىن ساعات 8.00-دەن باستاپ اۋدان ورتالىعىنداعى ساياباق الاڭىندا سپورت مەكتەبىنىڭ جاتتىقتىرۋشىلارى، اۋدان سپورتشىلارى جانە جاستار جينالىپ، «تازا قازاقستان» رەسپۋبليكالىق ەكولوگيالىق باعدارلاماسى اياسىندا سپورت الاڭدارى مەن ساياباقتاردى تازارتتى.

«بۇگىندە اۋدانىمىزدا «تازا قازاقستان» رەسپۋبليكالىق ەكولوگيالىق باعدارلاماسى اياسىندا اۋدان جاستارى مەن سپورتشىلارى ساياباق اۋماقتارىن تازالاۋ جاتىر. بۇل ءبىر كۇندىك ءىس-شارا ەمەس. ەلباسىنىڭ مالىمدەمەسىنەن كەيىن جىگىتتەرمەن بىرگە اۋدانىمىزدى اباتتاندىرۋ مەن كوگالداندىرۋعا بەلسەنە اتسالىسىپ جاتىرمىز. بارشا قازاقستاندىقتاردى «تازا قازاقستان» باعدارلاماسىنا ۇلەس قوسۋعا شاقىرامىز. ەلىمىزدى بىرگە تازا ەتەيىك!» – دەپ اتاپ ءوتتى اۋليەكول اۋداندىق بالالار مەن جاسوسپىرىمدەر سپورت مەكتەبىنىڭ جاتتىقتىرۋشىسى ە.كوشكىمبايەۆ.

ءجىتىقارا اۋدانىنىڭ تۇرعىندارى «تازا قازاقستان» جالپىۇلتتىق باعدارلاماسىن قولداپ، جاي عانا سەنبىلىك ەمەس، ءتۇرلى شىعارماشىلىق شارالاردى دا وتكىزۋدە. «ليدەر» ءوقب «ءجىتىقارا اۋدانىنىڭ جاستار رەسۋرستىق ورتالىعى» كمم-مەن بىرلەسىپ «ءجىتىقارا – ءبىزدىڭ ورتاق ءۇيىمىز» اتتى پلوگگينگ فورماتىندا جۇگىرۋ مارافونىن وتكىزدى. شورتاندى وزەنىنىڭ جاعاسى مەن قالا كوشەلەرىندە وتكەن جارىسقا بالالار بەلسەنە قاتىستى. بۇل شارانىڭ ماقساتى – قوقىس شىعارا وتىرىپ، ۇجىمدىق قاشىقتىق جارىسىن ۇيىمداستىرۋ.

«مۇنداي شاراعا ءبىرىنشى رەت قاتىسۋىم، تابيعاتتى ساقتاۋعا ءوز ۇلەسىمدى قوسقىم كەلەدى. مەنىڭ ويىمشا، ءبارى ءساتتى ءوتتى. وسى پلوگينگكە قاتىسقانىما وتە قۋانىشتىمىن. بۇل يدەيانى جۇزەگە اسىرعان ۇيىمداستىرۋشىعا مىڭ العىس! الداعى ۋاقىتتا دا مىندەتتى تۇردە قاتىسامىن»، - دەپ «ليدەر» ءوقب ۆولونتەرى ا.جامانقۇلوۆا ءوز ەموسيالارىمەن ءبولىستى.

«تازا قازاقستان» ەكولوگيالىق باعدارلاماسى اياسىندا فەدوروۆ اۋدانىندا «تازالىق ءۇشىن ۆەلوشەرۋ» اتتى ۆەلوجارىس ۇيىمداستىرىلدى. ءىس-شارا اۋىل كوشەلەرىندە ءوتتى. ۆەلوسيپەدشىلەر قوقىس جيناپ، قورشاعان ورتاعا جانە قالدىقتاردى باسقارۋعا پايدالى كەڭەستەر جازىلعان بروشيۋرالاردى تاراتىپ، تازالىقتىڭ ماڭىزدىلىعىن ءتۇسىندىردى. ۆەلوشەرۋ اياقتالعان سوڭ، قاتىسۋشىلار اشىق اسپان استىنداعى پيكنيككە جينالدى.

«اۋدانىمىزدى كوركەيتۋگە ۇلەس قوسىپ، تۇرعىنداردى قۋانتا العانىمىزعا قۋانىشتىمىز. بۇلايشا كۇش بىرىكتىرىپ، ورتاق ماقساتقا جەتۋ – تازا ءارى ادەمى اۋىل قۇرۋ ءۇشىن ماڭىزدى»، - دەپ ءوز اسەرىمەن ءبولىستى ۆەلوشەرۋگە قاتىسۋشىلاردىڭ ءبىرى، قوستاناي فۋتبول ليگاسىنىڭ چەمپيونى س.حۇسايىنوۆ.

قوستاناي اۋدانى مايكول اۋىلىندا «تازا قايىڭ توعايى» ەكولوگيالىق اكسياسى وتكىزىلدى. «تازا قازاقستان» باعدارلاماسى اياسىنداعى ەكواكسيانى مايكول اۋىلدىق وكرۋگى اكىمى اپپاراتى ۇيىمداستىرىپ، جەرگىلىكتى تۇرعىندار، بيزنەس وكىلدەرى، جاستار بەلسەنە قاتىستى. توعاي – اۋىل تۇرعىندارىنىڭ دەمالىپ، سەرۋەندەيتىن، تازا اۋامەن تىنىستاپ، ساڭىراۋقۇلاق پەن جيدەك تەرەتىن سۇيىكتى ورىندارىنىڭ ءبىرى. ەكولوگيالىق شاراعا قورشاعان ورتانىڭ تازالىعىنا بەي-جاي قارامايتىن تۇرعىندار، جالپى 50-گە جۋىق ادام قاتىسىپ، 80 قاپتان استام قوقىس جينالىپ، قۇرعاق ءشوپ شاپتى.

مايكول اۋىلىنىڭ تۋماسى ل.ماسكيەۆيچ: «توعاي – ساياباق ايماعى، اۋىلداعى قايىڭ اعاشتارىنىڭ كولەڭكەسىندە، اشىق اۋادا كوڭىلدى دەمالۋعا ارنالعان بىرەگەي ورىن. سوندىقتان ءبىز ءاردايىم وسى جەرلەردى تازارتىپ، قوقىس پەن قۋراعان اعاشتاردى شىعارۋ شىعارىپ تاستايمىز. مۇنداي تازالىق جۇمىستارىن ءجيى جۇرگىزۋگە تىرىسامىز»، - دەپ ءوز پىكىرىن ءبىلدىردى.

ايتا كەتسەك، بيىل ەلدى مەكەندەردى اباتتاندىرۋعا 11 ميلليارد تەڭگەدەن استام قارجى بولىنگەن.

جوسپارلانعان 130 مىڭنان استام كوشەتتىڭ 52،8 مىڭنان استامى وتىرعىزىلدى.   90% كوشە جارىقتاندىرىلىپ، 108 اۋىلعا جالپى ۇزىندىعى 129 شاقىرىم قورشاۋ ورناتىلادى.

اعىمداعى كەزەڭدە (اعىمداعى جىلدىڭ 10 ءساۋىرى مەن 13 تامىزى ارالىعىندا) مەملەكەتتىك ورگاندار مەن جەكە ۇيىمدار، شارۋا قوجالىقتارى، جاستار، ۆولونتەرلىك جانە ۇكىمەتتىك ەمەس ۇيىمدار، ءماسليحات دەپۋتاتتارى، پيك، ميب وكىلدەرى تارتىلدى. بارلىعى 517،1 مىڭ ادام قاتىسىپ، 354 تەحنيكا جۇمىلدىرىلدى، 325 ساياباق اباتتاندىرىلىپ، 188،1 مىڭ توننا قوقىس شىعارىلدى، 52،8 مىڭنان استام اعاش وتىرعىزىلدى.