ۇكىمەت قوستاناي وبلىسىنداعى جىلۋ جۇيەلەرىن رەكونسترۋكسيالاۋعا جانە سۋ جەلىلەرىن جاڭعىرتۋعا 2،2 ملرد تەڭگە قاراجات ءبولدى. بۇل قوستاناي، ءجىتىقارا، ارقالىق جانە رۋدنىي قالالارى اراسىندا ۇلەستىرىلمەك، دەپ حابارلايدى Dalanews.kz.
قوستانايدا 188 ملن تەڭگە 1955 جىلدان بەرى جۇمىس ىستەپ تۇرعان جىلۋ ەلەكتر ورتالىعىنىڭ نەگىزگى بۋ قۇبىرىن جاڭارتۋعا باعىتتالادى.
ءجىتىقارادا جىلۋ جەلىلەرىنىڭ ءۇش ۋچاسكەسىن جوندەۋگە شامامەن 863 ملن تەڭگە بولىنەدى. بۇل ۋچاسكەلەر 15،5 مىڭ ابونەنتتى جىلۋمەن قامتاماسىز ەتەدى.
ارقالىق قالاسىنا جەلىلەردى رەكونسترۋكسيالاۋدى جالعاستىرۋ ءۇشىن 645 ملن تەڭگە بەرىلەدى. 2025 جىلى 1،6 شاقىرىم توزىعى جەتكەن قۇبىرلار تولىق اۋىستىرىلادى.
رۋدنىيدا 500 ملن تەڭگە سۋ جەلىلەرىن جاڭعىرتۋعا، سونىڭ ىشىندە №2 سۇزگىلەۋ ستانسياسىن مودەرنيزاسيالاۋعا جۇمسالادى. جوبا رۋدنىي، قاشار، گورنياسكيي كەنتتەرىنىڭ جانە ونەركاسىپتىك نىسانداردىڭ تۇراقتى سۋ قامتاماسىز ەتىلۋىن كۇشەيتەدى.
