قوستاناي وبلىسىندا بٸلٸم بٶلٸمٸنٸڭ باستىعى اسىلىپ ٶلدٸ
"توبولينفو" دەرەگٸنشە, قايعىلى وقيعا بٸر كٷن بۇرىن بوروۆسكوە اۋىلىندا بولعان. قالىبەك جٷگٸنٸسوۆ 2 اپتاعا جۋىق ٷي قاماۋىندا بولعان, وعان قاتىستى سوتقا دەيٸنگٸ تەرگەۋ جٷرگٸزٸلگەن ەكەن. ول جەمقورلىق جاسادى دەگەن كٷدٸككە ٸلٸنگەن. 2 ماۋسىمدا ەيەلٸ قوستانايعا كەتكەندە ول ٷيدە جالعىز قالىپ, كەشكە تۋىستارى ونى اسىلىپ قالعان كٷيٸندە تاپتى.
قالىبەك بايجانۇلى قىزىلوردا وبلىسىنىڭ تۋماسى, ارال قالاسىنان شىققان. ول 2015 جىلى قوستاناي وبلىسىنا كەلٸپ, مەڭدٸقارا اۋدانى ەكٸمٸنٸڭ ورىنباسارى قىزمەتٸنە ورنالاستى. ٷش جىل بۇرىن ول اۋداندىق بٸلٸم بٶلٸمٸنٸڭ باستىعى بولىپ تاعايىندالدى. بٸزدٸڭ ۇجىم ونى قاتتى قۇرمەتتەيتٸن. ٶتە جاۋاپتى ادام بولاتىن. بٸز ونىڭ وتباسىنا قايعىرا كٶڭٸل ايتامىز, - دەدٸ مەڭدٸقارا اۋداندىق بٸلٸم بٶلٸمٸنٸڭ باستىعى مٸنەتٸن اتقارۋشى ازامات جانايداروۆ.
قالىبەك جٷگٸنٸسوۆتٸڭ زەينەتكە شىعۋىنا ٷش جىل قالعان ەدٸ. ونىڭ ارتىندا ەيەلٸ مەن ٷش ەرەسەك بالاسى قالدى.
مارقۇم قىزىلوردا وبلىسىندا جەرلەنەدٸ.
