Qostanai oblysynda bilim bóliminiń bastyǵy asylyp óldi
"TobolInfo" dereginshe, qaiǵyly oqiǵa bir kún buryn Borovskoe aýylynda bolǵan. Qalybek Júginisov 2 aptaǵa jýyq úi qamaýynda bolǵan, oǵan qatysty sotqa deiingi tergeý júrgizilgen eken. Ol jemqorlyq jasady degen kúdikke ilingen. 2 maýsymda áieli Qostanaiǵa ketkende ol úide jalǵyz qalyp, keshke týystary ony asylyp qalǵan kúiinde tapty.
Qalybek Baijanuly Qyzylorda oblysynyń týmasy, Aral qalasynan shyqqan. Ol 2015 jyly Qostanai oblysyna kelip, Meńdiqara aýdany ákiminiń orynbasary qyzmetine ornalasty. Úsh jyl buryn ol aýdandyq bilim bóliminiń bastyǵy bolyp taǵaiyndaldy. Bizdiń ujym ony qatty qurmetteitin. Óte jaýapty adam bolatyn. Biz onyń otbasyna qaiǵyra kóńil aitamyz, - dedi Meńdiqara aýdandyq bilim bóliminiń bastyǵy minetin atqarýshy Azamat Janaidarov.
Qalybek Júginisovtiń zeinetke shyǵýyna úsh jyl qalǵan edi. Onyń artynda áieli men úsh eresek balasy qaldy.
Marqum Qyzylorda oblysynda jerlenedi.
