قوستاناي وبلىسىندا بۋحگالتەر بيۋدجەت قاراجاتىن ۇرلاعان ٸس بويىنشا سوتالدى تەرگەۋ باستالدى, دەپ حابارلايدى Dalanews.kz.
قارابالىق اۋدانىنىڭ پروكۋراتۋراسى نوۆوترويتسك اۋىلدىق وكرۋگٸ ەكٸمٸ اپپاراتىنىڭ بۋحگالتەرٸ 9,8 ملن تەڭگە كٶلەمٸندە بيۋدجەت قاراجاتىن ۇرلاعانىن انىقتادى.
"شتات كەستەسٸ مەن بانك شوتتارىن سالىستىرۋ بارىسىندا 4 جىل ٸشٸندە ٶزٸنە ارتىق سومانى ەسەپتەگەن بۋحگالتەردٸڭ تٶلەنگەن جەنە ناقتى تٶلەنۋ كەرەك جالاقىسى اراسىنداعى ايىرماشىلىق انىقتالدى. وسى دەرەك بويىنشا اۋدان پروكۋراتۋراسى قازاقستان رەسپۋبليكاسى قىلمىستىق كودەكسٸنٸڭ 189-بابى 3-بٶلٸگٸنٸڭ 1) تارماعى, ياعني ٸرٸ مٶلشەردە ۇرلاۋ بويىنشا سوتالدى تەرگەپ-تەكسەرۋدٸ باستادى", - دەپ جازىلعان حابارلامادا.
بۇل باپتىڭ سانكتسيياسى 2 جىلدان 7 جىلعا دەيٸنگٸ مەرزٸمگە باس بوستاندىعىن شەكتەۋ نە سول مەرزٸمگە باس بوستاندىعىنان ايىرۋ تٷرٸندەگٸ جازانى كٶزدەيدٸ.
قوسىمشا جازا رەتٸندە مٷلٸكتٸ تەركٸلەۋ, سونداي-اق, بەلگٸلٸ بٸر لاۋازىمداردى اتقارۋ نەمەسە بەلگٸلٸ بٸر قىزمەتپەن التى جىلعا دەيٸن اينالىسۋ قۇقىعىنان ايىرۋ قاراستىرىلعان.
