قازاقستاننىڭ اۆتوموبيل ٶنەركەسٸبٸ رەكورد جاڭارتتى. 2025 جىلدىڭ قاراشا ايىندا 25,8 مىڭ جەڭٸل اۆتوكٶلٸك ساتىلىپ, جوعارى كٶرسەتكٸشكە جەتتٸ, دەپ حابارلايدى Dalanews.kz.
ونىڭ 7,8 مىڭ داناسى — قوستانايدا قۇراستىرىلعان Chevrolet ماركالى اۆتوموبيلدەرٸ. ودان كەيٸنگٸ ورىنداردا Hyundai (5,3 مىڭ) جەنە Kia (2 مىڭ) اۆتوكٶلٸكتەرٸ تۇر.
جالپى, 2025 جىلدىڭ قاڭتار–قاراشا ايلارى ارالىعىندا جەڭٸل اۆتوكٶلٸك ساتىلىمى 207,6 مىڭعا جەتتٸ, بۇل 2024 جىلدىڭ وسى كەزەڭٸمەن سالىستىرعاندا 15,6% كٶپ. بۇدان دا ماڭىزدىسى — 11 ايدا ساتىلعان جەڭٸل اۆتوكٶلٸكتٸڭ كٶلەمٸ بٷكٸل 2024 جىلدىڭ رەكوردتىق كٶرسەتكٸشٸنەن 1,2%-عا ارتىق بولدى. وسىلايشا, بىلتىرعى رەكورد جاڭارتىلدى.
وتاندىق اۆتوزاۋىتتار 2025 جىلدىڭ قاڭتار–قاراشا ايلارىندا كونۆەيەردەن 146,2 مىڭ بٸرلٸك اۆتوكٶلٸك تەحنيكاسىن شىعاردى, ونىڭ 132,7 مىڭى — جەڭٸل اۆتوموبيلدەر.
سەكتور بويىنشا كٶشباسشى — قوستاناي وبلىسىنداعى Allur كومپانيياسى: 11 ايدا 79,2 مىڭ بٸرلٸك ٶنٸم شىعارىپ, ەلدەگٸ جالپى ٶندٸرٸستٸڭ 54,2%-ىن قۇرادى.
ودان كەيٸن الماتىداعى Hyundai Trans Kazakhstan جەنە Hyundai Trans Almaty كەسٸپورىندارى — 48,5 مىڭ بٸرلٸك. سونداي-اق اۆتوكٶلٸك تەحنيكاسىنىڭ ەلەۋلٸ كٶلەمٸ شىعىس قازاقستانداعى «سەماز» جەنە Daewoo Bus Kazakhstan (3,7 مىڭ بٸرلٸك), قاراعاندى وبلىسىنداعى QazTehna (2,1 مىڭ بٸرلٸك) جەنە اقمولا وبلىسىنداعى «كاماز-ينجينيرينگ» (1,1 مىڭ بٸرلٸك) ٶندٸرٸستەرٸنە تيەسٸلٸ.
2025 جىلدىڭ قاراشا ايىندا اۆتوموبيلدەر, تٸركەمەلەر جەنە جارتىلاي تٸركەمەلەر ٶندٸرٸسٸنٸڭ قۇنى 311 ملرد تەڭگەنٸ قۇرادى, ال قاڭتار–قاراشا كەزەڭٸندەگٸ كٶلەم 2 ترلن تەڭگەدەن استى. بۇل — 2024 جىلدىڭ سەيكەس كەزەڭٸمەن سالىستىرعاندا اقشالاي مەندە 25,4%-عا كٶپ (نٶس — 115,2%). ٶندٸرٸستٸڭ ٶسۋٸ اۆتوپرومنىڭ ەل يندۋستريياسىنداعى رٶلٸن كٷشەيتتٸ: اۆتوكٶلٸك ٶنەركەسٸبٸ ماشينا جاساۋدىڭ 41,7%-ىن قۇرادى جەنە سالاداعى نەگٸزگٸ سەگمەنت مەرتەبەسٸن نىعايتتى.
سونىمەن قاتار اۆتوموبيلدەر, تٸركەمەلەر جەنە جارتىلاي تٸركەمەلەر ٶندٸرٸسٸنٸڭ ٷلەسٸ ٶڭدەۋ ٶنەركەسٸبٸندە 7,5%-عا, جالپى ٶنەركەسٸپ قۇرىلىمىندا 3,7%-عا جەتتٸ. بۇل ٶندٸرٸس ٶسٸمٸنٸڭ جوعارى قوسىلعان قۇنعا يە ماشينا جاساۋ جەنە قۇراستىرۋ سەكتورىنا قاراي ىعىسا تٷسكەنٸن كٶرسەتەدٸ.
اۆتوكٶلٸك ٶنەركەسٸبٸنٸڭ دامۋىنا نەگٸزگٸ ٷلەستٸ ٶندٸرٸستٸك قۋاتتارى شوعىرلانعان قوستاناي وبلىسى (Allur) قوستى. ٶڭٸرگە اۆتوموبيلدەر, تٸركەمەلەر جەنە جارتىلاي تٸركەمەلەر ٶندٸرٸسٸنٸڭ جالپى كٶلەمٸنٸڭ جارتىسىنا جۋىعى تيەسٸلٸ. اۆتوپروم وبلىستىڭ ٶنەركەسٸپ قۇرىلىمىندا باسىم ورىنعا يە: ونىڭ ٷلەسٸ ماشينا جاساۋدا — 81,6%, ٶڭدەۋ ٶنەركەسٸبٸندە — 45,4%, ال جالپى ٶنەركەسٸپتە — شامامەن ٷشتەن بٸرٸن قۇرايدى. بۇل سالانىڭ قوستاناي وبلىسىنىڭ نەگٸزگٸ يندۋسترييالىق درايۆەرٸ ەكەنٸن ايعاقتايدى.
الماتى قالاسىندا دا اۆتوپروم ٶنەركەسٸپ قۇرىلىمىندا ماڭىزدى ورىن الادى. مۇندا اۆتوموبيل ٶنەركەسٸبٸنٸڭ ٷلەسٸ قالاداعى ماشينا جاساۋدىڭ 80,3%-ىن, ٶڭدەۋ ٶنەركەسٸبٸنٸڭ 37,6%-ىن جەنە جالپى ٶنەركەسٸپتٸڭ 32%-ىن قۇرادى. بۇل مەگاپوليستەگٸ اۆتوسالالىق ٶندٸرٸستەردٸڭ جوعارى شوعىرلانعانىن كٶرسەتەدٸ.
الايدا جالپىۇلتتىق دەڭگەيدە اۆتوموبيل جاساۋ سەگمەنتٸندە قوستاناي وبلىسى ايقىن ەرەكشەلەنەدٸ. ٶڭٸردٸڭ اۆتوپرومى قازاقستانداعى بٷكٸل ماشينا جاساۋدىڭ 20,5%-ىنا, ٶڭدەۋ ٶنەركەسٸبٸنٸڭ 3,7%-ىنا جەنە ەل ٶنەركەسٸبٸنٸڭ جالپى كٶلەمٸنٸڭ شامامەن 2%-ىنا ٷلەس قوستى. سالىستىرۋ ٷشٸن: قالعان بارلىق ٶڭٸرلەردٸڭ جيىنتىق ٷلەسٸ ماشينا جاساۋدا — 21,2%, ٶڭدەۋ ٶنەركەسٸبٸندە — 3,8%, ٶنەركەسٸپتە — 1,9%.
جالاقى ديناميكاسى اۆتوپرومنىڭ ەكونوميكالىق رٶلٸنٸڭ ٶزگەرٸسٸن دە كٶرسەتٸپ وتىر. 2015 جىلى اۆتوموبيل ٶنەركەسٸبٸندەگٸ ورتاشا ايلىق جالاقى رەسپۋبليكالىق دەڭگەيدەن نەبەرٸ 5,3%-عا جوعارى بولدى. ال 2024 جىلدىڭ قورىتىندىسى بويىنشا ايىرماشىلىق ەدەۋٸر ۇلعايدى: سالادعى ورتاشا جالاقى ەل بويىنشا ورتاشا كٶرسەتكٸشتەن شامامەن 1,5 ەسە كٶپ — 579 مىڭ جەنە 384,3 مىڭ تەڭگە.
قازاقستاننىڭ نەگٸزگٸ اۆتوموبيل كلاستەرٸ سانالاتىن قوستاناي وبلىسىندا 2015 جىلى اۆتوپرومداعى ورتاشا جالاقى ٶڭٸرلٸك دەڭگەيدەن 0,3%-عا تٶمەن بولسا, 2024 جىلى كەرٸسٸنشە 29,1%-عا, ياعني 90,9 مىڭ تەڭگەگە جوعارى بولدى: تيٸسٸنشە 402,9 مىڭ جەنە 312 مىڭ تەڭگە.
- شاعىن كەسٸپورىنداردى قوسا ەسەپتەگەندە
قوستاناي وبلىسىنداعى اۆتوموبيل ٶنەركەسٸبٸنٸڭ دامۋى ٶڭٸردٸڭ ەكونوميكالىق بەلسەندٸلٸگٸن ايتارلىقتاي ارتتىرىپ وتىر: سالا ٶنەركەسٸپ ٶندٸرٸسٸنٸڭ ماڭىزدى بٶلٸگٸن قالىپتاستىرىپ قانا قويماي, قىزمەتكەرلەردٸڭ كٸرٸستەرٸن ٶسٸرۋ ارقىلى ٶڭٸرلٸك قۇرىلىمدى جەنە قوسىلعان قۇندى نىعايتادى. اۆتوپروم — ٶڭٸر ەكونوميكاسىنىڭ نەگٸزگٸ لوكوموتيۆٸ ەرٸ سالالىق شوعىرلانۋ ٶنٸمدٸلٸك ٶسٸمٸنە جەنە جالپىۇلتتىق ەكونوميكاعا قالاي ەسەر ەتەتٸنٸنٸڭ ايقىن ٷلگٸسٸ.
