بٷگٸن مەملەكەت باسشىسى قاسىم-جومارت توقاەۆ وتاندىق بيزنەس ٶكٸلدەرٸمەن كەزدەسۋدە ٷكٸمەتكە قوسىمشا قۇن سالىعى مەسەلەسٸن تاعى دا پىسىقتاۋدى تاپسىردى, – دەپ حابارلايدى Dalanews.kz.
– كەز كەلگەن رەفورمانى جان-جاقتى ساراپتاپ, بايىپپەن جٷرگٸزگەن جٶن. ەكونوميكا سالالارىنىڭ ەرەكشەلٸكتەرٸن ەسكەرە وتىرىپ, تٷرلٸ نۇسقالاردى ەزٸرلەۋ كەرەك. قوسىمشا قۇن سالىعىنا قاتىستى بۇعان دەيٸن كٶزقاراسىمدى بٸلدٸرمەگەن ەدٸم. ٶيتكەنٸ قىزمەتتٸك دەرەجەمە سەيكەس, مەنٸڭ ەربٸر سٶزٸم, پٸكٸرٸم قاتاڭ تاپسىرما سيياقتى قابىلدانادى. سوعان قاراماستان بۇل مەسەلە بويىنشا ويىمدى جەتكٸزگٸم كەلەدٸ. قالاي دەسەك تە, قوسىمشا قۇن سالىعىنىڭ مٶلشەرلەمەسٸ سارالانىپ بەلگٸلەنۋگە تيٸس.
ٷكٸمەت تٷپكٸلٸكتٸ شەشٸمدٸ بٸلٸكتٸ ساراپشىلاردىڭ, قايتالاپ ايتامىن, بٸلٸكتٸ ساراپشىلار مەن كەسٸپكەرلەردٸڭ, ەلبەتتە دەپۋتاتتاردىڭ پٸكٸرٸنە قۇلاق اسا وتىرىپ, ناقتى ەسەپتەۋلەر نەگٸزٸندە قابىلداعانى دۇرىس.
بٸر انىعى, ٷكٸمەتتٸڭ قازٸرگٸ ۇسىنىپ وتىرعان مٶلشەرلەمەسٸ تىم جوعارى. سٸزدەر ناقتى تسيفردى ايتتىڭىزدار. ونى قوعام قىزۋ تالقىلادى. تٸپتٸ, كەي جاعدايدا ارتىق سٶزدەر دە ايتىلدى. دەگەنمەن, بۇل قوعام تالقىسىنا الدىن الا سالىنعان ۇسىنىس بولاتىن. تاعى قايتالاپ ايتامىن, ٷكٸمەتتٸڭ بۇل باعىتتاعى جۇمىسى بيزنەس, قوعام, كەسٸپكەرلەر, ساراپشىلاردىڭ, ياعني بارلىق تاراپتىڭ پٸكٸرٸ ەسكەرٸلە وتىرىپ جالعاسۋى كەرەك.
بيىل ناقتى شەشٸم قابىلدانۋعا تيٸس. مەن بۇعان دەيٸن دە ايتتىم: ٷكٸمەت بۇل مەسەلەنٸ دەپۋتاتتارمەن جەنە ساراپشىلارمەن ەگجەي-تەگجەيلٸ تالقىلاۋى كەرەك. بٷگٸن ايتىلعان وي-پٸكٸرلەر دە ەسكەرٸلەدٸ. مەملەكەتكە بارىنشا وڭتايلى شەشٸم قاجەت. ياعني بٸر جاعىنان بيزنەس جٷرگٸزۋگە كەدەرگٸ كەلتٸرمەي, قولايلى جاعداي جاسايتىن, ال ەكٸنشٸ جاعىنان, سالىققا قاتىستى تەرتٸپتٸ كٷشەيتٸپ, بيۋدجەت كٸرٸسٸن ارتتىراتىن تيٸمدٸ جولدى تابۋىمىز قاجەت, – دەدٸ قاسىم-جومارت توقاەۆ.
