ۇلىبريتانييا استاناسىندا ورنالاسقان جوعارى وقۋ ورنىنىڭ كامپۋسىن ارالاعاننان كەيٸن قازۇۋ رەكتورى جانسەيٸت تٷيمەباەۆ لوندون ۋنيۆەرسيتەتٸ شىعىستانۋ جەنە افريكاتانۋ مەكتەبٸنٸڭ ديرەكتورى ادام حابيبپەن كەزدەستٸ.
ۋنيۆەرسيتەت باسشىسى جىلى قابىلداعانى ٷشٸن بٸلٸم ورداسىنىڭ ديرەكتورى ادام حابيبكە ريزاشىلىعىن بٸلدٸرٸپ, قازۇۋ-دىڭ جەتكەن جەتٸستٸكتەرٸ مەن الداعى جوسپارلارى تۋرالى باياندادى.
«قازۇۋ ٶتكەن جىلى QS حالىقارالىق رەيتينگٸندە ەلەمنٸڭ ٷزدٸك ۋنيۆەرسيتەتتەرٸ اراسىندا 150-ورىنعا كٶتەرٸلدٸ. ازييا ەلدەرٸ اراسىندا وقۋ ورداسى 44-ورىندا. قازٸرگٸ تاڭدا ۋنيۆەرسيتەتتە 26 مىڭعا جۋىق ستۋدەنت وقيدى. ونىڭ ٸشٸندە 3000 ستۋدەنت شەتەلدەردەن كەلٸپ, بٸلٸم الۋدا. الداعى ۋاقىتتا ٶزگە مەملەكەتتەردەن قازۇۋ-عا تٷسەتٸن ستۋدەنتتەر سانىن ارتتىرۋ جوسپاردا بار.
باستى مٸندەت – شەتەلدٸك ستۋدەنتتەر ٷلەسٸن 2025 جىلعا قاراي 10 پايىزدان 25 پايىزعا دەيٸن ۇلعايتۋ. بٸزدٸڭ ۋنيۆەرسيتەت ٶزٸنٸڭ عىلىمي جەنە بٸلٸم بەرۋ قىزمەتٸن تابىستى جالعاستىرۋدا. تەك ۇلتتىق اۋقىمدا عانا ەمەس, سونىمەن قاتار حالىقارالىق دەڭگەيدە زيياتكەرلٸك ەلەۋەتٸن كٶرسەتۋدە.
ۋنيۆەرسيتەت عالىمدارى وتاندىق عىلىمدى دامىتۋعا ٶز ٷلەستەرٸن قوسۋدا. وقۋ ورداسىندا 100-دەن استام يننوۆاتسييالىق جوبا دايىندالدى. بٷگٸندە ولاردى ٸلگەرٸلەتۋ جەنە كوممەرتسييالاندىرۋ باعىتىندا جۇمىس جٷرگٸزٸلۋدە», – دەدٸ ۋنيۆەرسيتەت رەكتورى.
ٶز كەزەگٸندە ادام حابيب قازۇۋ-دىڭ جەتٸستٸكتەرٸن جوعارى باعالاپ, لوندون ۋنيۆەرسيتەتٸ شىعىستانۋ جەنە افريكاتانۋ مەكتەبٸ تۋرالى اقپارات بەردٸ. سونىمەن قاتار ۇلىبريتانيياداعى ٷزدٸك 40 جوو قاتارىنا كٸرەتٸن ۋنيۆەرسيتەت قازۇۋ-مەن تىعىز قارىم-قاتىناستا بولىپ, سەرٸكتەستٸكتٸ ودان ەرٸ ارتتىرۋعا دايىن ەكەنٸن ايتتى.
كەزدەسۋ سوڭىندا ەل-فارابي اتىنداعى قازاق ۇلتتىق ۋنيۆەرسيتەتٸ مەن لوندون ۋنيۆەرسيتەتٸ اراسىندا اكادەمييالىق ىنتىماقتاستىق پەن الماسۋدىڭ نەگٸزگٸ باعىتتارىن ايقىندايتىن مەموراندۋمعا قول قويۋ رەسٸمٸ ٶتتٸ. كەلٸسٸم اياسىندا قوس تاراپ عىلىمي جارييالانىمدارمەن, اقپاراتتارمەن, وقىتۋشىلار قۇرامى جەنە عالىمدارمەن, ستۋدەنتتەرمەن الماسۋعا, سونداي-اق بٸرلەسكەن زەرتتەۋلەرگە جەردەمدەسەتٸن بولادى.
سونىمەن قاتار قازۇۋ باسشىسى كينگس كوللەدجٸندە «بولاشاق» جەنە «500 عالىم» باعدارلاماسى بويىنشا وقىپ جاتقان قازۇۋ-دىڭ وقىتۋشى-پروفەسسورلار قۇرامىنىڭ ٶكٸلدەرٸمەن كەزدەستٸ.
قازۇۋ رەكتورى جانسەيٸت تٷيمەباەۆتىڭ لوندونعا ساپارى اياسىندا ساۋدا-ەكونوميكالىق, عىلىمي-تەحنيكالىق جەنە مەدەني ىنتىماقتاستىق جٶنٸندەگٸ قازاقستان-بريتان ٷكٸمەتارالىق كوميسسيياسىنىڭ 9-شى وتىرىسىنا قاتىسۋ, سونداي-اق لافبورو جەنە رەدينگ ۋنيۆەرسيتەتتەرٸنە بارۋ جوسپارلانعان.
ەل-فارابي اتىنداعى قازۇۋ-دىڭ باسپاسٶز قىزمەتٸ
