Ulybritaniia astanasynda ornalasqan joǵary oqý ornynyń kampýsyn aralaǵannan keiin QazUÝ rektory Janseiit Túimebaev London ýniversiteti Shyǵystaný jáne afrikataný mektebiniń direktory Adam Habibpen kezdesti.
Ýniversitet basshysy jyly qabyldaǵany úshin bilim ordasynyń direktory Adam Habibke rizashylyǵyn bildirip, QazUÝ-dyń jetken jetistikteri men aldaǵy josparlary týraly baiandady.
«QazUÝ ótken jyly QS halyqaralyq reitinginde álemniń úzdik ýniversitetteri arasynda 150-orynǵa kóterildi. Aziia elderi arasynda oqý ordasy 44-orynda. Qazirgi tańda ýniversitette 26 myńǵa jýyq stýdent oqidy. Onyń ishinde 3000 stýdent shetelderden kelip, bilim alýda. Aldaǵy ýaqytta ózge memleketterden QazUÝ-ǵa túsetin stýdentter sanyn arttyrý josparda bar.
Basty mindet – sheteldik stýdentter úlesin 2025 jylǵa qarai 10 paiyzdan 25 paiyzǵa deiin ulǵaitý. Bizdiń ýniversitet óziniń ǵylymi jáne bilim berý qyzmetin tabysty jalǵastyrýda. Tek ulttyq aýqymda ǵana emes, sonymen qatar halyqaralyq deńgeide ziiatkerlik áleýetin kórsetýde.
Ýniversitet ǵalymdary otandyq ǵylymdy damytýǵa óz úlesterin qosýda. Oqý ordasynda 100-den astam innovatsiialyq joba daiyndaldy. Búginde olardy ilgeriletý jáne kommertsiialandyrý baǵytynda jumys júrgizilýde», – dedi ýniversitet rektory.
Óz kezeginde Adam Habib QazUÝ-dyń jetistikterin joǵary baǵalap, London ýniversiteti Shyǵystaný jáne afrikataný mektebi týraly aqparat berdi. Sonymen qatar Ulybritaniiadaǵy úzdik 40 JOO qataryna kiretin ýniversitet QazUÝ-men tyǵyz qarym-qatynasta bolyp, seriktestikti odan ári arttyrýǵa daiyn ekenin aitty.
Kezdesý sońynda Ál-Farabi atyndaǵy Qazaq ulttyq ýniversiteti men London ýniversiteti arasynda akademiialyq yntymaqtastyq pen almasýdyń negizgi baǵyttaryn aiqyndaityn memorandýmǵa qol qoiý rásimi ótti. Kelisim aiasynda qos tarap ǵylymi jariialanymdarmen, aqparattarmen, oqytýshylar quramy jáne ǵalymdarmen, stýdenttermen almasýǵa, sondai-aq birlesken zertteýlerge járdemdesetin bolady.
Sonymen qatar QazUÝ basshysy Kings kolledjinde «Bolashaq» jáne «500 ǵalym» baǵdarlamasy boiynsha oqyp jatqan QazUÝ-dyń oqytýshy-professorlar quramynyń ókilderimen kezdesti.
QazUÝ rektory Janseiit Túimebaevtyń Londonǵa sapary aiasynda saýda-ekonomikalyq, ǵylymi-tehnikalyq jáne mádeni yntymaqtastyq jónindegi Qazaqstan-Britan úkimetaralyq komissiiasynyń 9-shy otyrysyna qatysý, sondai-aq Lafboro jáne Reding ýniversitetterine barý josparlanǵan.
Ál-Farabi atyndaǵy QazUÝ-dyń Baspasóz qyzmeti
