كاسىپكەر الماس ءابدىعاپپاروۆ ordanews.kz بەرگەن سۇقباتىندا ءوزىنىڭ قۋعىنعا ۇشىراۋ وقيعاسىمەن جانە كاسىبىنەن رەيدەرلىك جولمەن قالاي قاعىلعانىن بايانداپ بەردى، دەپ حابارلايدى Dalanews.kz.

ۇرلىق ءىسى 2021 جىلى ءبىر بەتتىك مالىمدەمە نەگىزىندە اشىلعان. ال زاڭ بويىنشا كەز كەلگەن ۇرلىق اۋديتورلىق قورىتىندىمەن راستالىپ، كەلتىرىلگەن زالال مولشەرى ناقتى كورسەتىلۋى ءتيىس بولاتىن. الايدا مۇنداي دالەلدەردىڭ ەشقايسىسى قاجەت بولماعان. الماتى پوليسيا دەپارتامەنتى مالىمدەمەنى سابىرلى تۇردە قابىلداپ، قىلمىستىق ءىس قوزعايدى.

“ولار مەنى ۇستىڭىزدەن ءىس قوزعالىپ جاتىر دەگەن ماقساتپەن سۇراق قويۋعا شاقىرعان ەمەس. ال ارىزىمدى بەرگەن كۇنى ءبىر اپتادان كەيىن مەنى ۇستادى. ەكى كۇننىڭ ىشىندە سوت وتىرىسى بولىپ، مەنى ەكى اي قاماۋعا الدى. وسىلايشا قىلمىستىق ءىس قوزعالىپ، 420 ميلليون تەڭگەنى قۇرايتىن ءبىراز شىعىن كەلتىرىلدى. وسى رەتتە مەنىڭ ادۆوكاتتارىم 517 ميلليون كەپىلمەن ءۇيقاماققا بوساتۋدى سۇرادى. سوتقا كەلتىرىلگەن زالالدىڭ بارلىعىن وتەيتىن ناقتى اكتيۆتەر بار. ءبىراق سوت باس تارتتى. ال پروكۋرور “سەن كوپشىلىككە بەلگىلى تۇلعاسىڭ. بۇل ءوز كەزەگىندە قوعامعا ءقاۋىپتى” دەگەن ءۋاج ايتتى. تەرگەۋگە قولايلى جاعداي جاساپ، مەنى ەكى ايعا قاماپ قويدى”، دەيدى ءابدىعاپپاروۆ.

وسى كەزدە كاسىپكەر Esentai City قۇرىلىسىنا جەكە كەپىلدىكپەن 20 ميلليون دوللارعا نەسيە العانىن ايتادى.

“نەسيەنىڭ بارلىق سوماسىنا بانك الدىندا جەكە جاۋاپ بەرەتىن بولسام، ميلليون دوللاردى ۇرلاۋدىڭ ءمانى نەدە؟ بۇل دالەلدەر تىڭدالمادى. مۇنى سوت مەنىڭ پايداما شەشكەن جوق. ويتكەنى قوسپايەۆ سياقتى ادامداردىڭ مۇمكىندىكتەرى مەن بايلانىستارى شەكسىز. ول الماتى قالاسىنىڭ پروكۋرورى جۇيرىكتايەۆپەن جاقىن دوس بولعانىن ءارى ىشكى ىستەر باسقارماسىنىڭ باستىعى تايمەردەنوۆپەن جاقسى قارىم-قاتىناستا بولعانىن ماقتان تۇتاتىن”، دەيدى ول.

كاسىپكەردىڭ ايتۋىنشا، جوبا 2016 جىلدىڭ باسىنان بەرى جوسپارلانعان. ءتىپتى بىرنەشە اي بويى تالقىلانعانىن دا العا تارتتى.

“بۇل تولىعىمەن مەنىڭ يدەيام مەن كەلىسىمدەرىم. قاتەلەسپەسەم، قىركۇيەكتە كازكوممەرسبانكپەن ىنتىماقتاستىق تۋرالى كەلىسىمگە قول قويدىم. كەلىسىمشارت جاساسقان سوڭ دوستان ءابىجانوۆ مەنى ەلدوس قوسپايەۆپەن (بولات نازاربايەۆتىڭ كومەكشىسى) جانە بەكزات ۇسەنوۆپەن (قۇندىز نازاربايەۆانىڭ كۇيەۋى) كەزدەسۋگە شاقىردى. ول ينۆەستيسيا قۇيۋعا قىزىعۋشىلىق تانىتقاندار بار ەكەنىن ايتتى. الايدا قوسپايەۆ ءار نارسەگە اگرەسسيۆتى كوزقاراسپەن قارادى”، دەيدى ءابدىعاپپاروۆ.

كەزدەسۋ بارىسىندا ەكىنشى تاراپ كاسىپكەرگە اشىق تۇردە قوقان-لوقى كورسەتكەن. وعان بۇل جوبانى جۇزەگە اسىرۋعا مۇمكىندىك تە، رۇقسات تا بەرىلمەيتىنىن ايتقان. ءتىپتى تۇرمەگە وتىرعىزامىز نەمەسە باسقا دا قيىن ماسەلەلەر تۋىندايتىنىن ايتىپ تىكەلەي شابۋىل جاساعان. ال بۇل ادامدار جوباعا قوسىلعان جاعدايدا ەشقانداي قيىندىق بولمايتىنىن ايتىپ سەندىرگەن ەكەن.

“ولار 50%-ىن سۇرادى. وسىدان كەيىن دۇرىس جۇمىس ىستەي الاتىنىن جەتكىزگەن. مەن قالاي بۇدان باس تارتا الامىن؟ 2016 جىلى تاعى قانداي تاڭداۋ بولدى؟ بۇل مەن ءۇشىن ۇلكەن ءقاۋىپ بولدى. سوندىقتان قورىققانىمنان، نە ىستەرىمدى بىلمەدىم. ناتيجەسىندە بۇل اڭگىمە ولاردىڭ 40 پايىزعا كەلىسۋىمەن اياقتالدى. ياعني، 10 پايىزى قوسپايەۆقا، 30 پايىزى مەن ەشقاشان ءوز كوزىممەن كورمەگەن نازاربايەۆقا بەرىلدى” دەپ جەتكىزدى كاسىپكەر.