"قورعاس" شىحو اۋماعىنىڭ قازاقستانعا تيەسىلى بولىگىندە 6 جاسىرىن جۇمىس ىستەگەن كازينو مەن جەزوكشەلەر پريتونى انىقتالدى، دەپ حابارلايدى Dalanews.kz.
زاڭسىز بيزنەستى جۇڭگو ازاماتتارى ۇيىمداستىرعان. اگەنتتىكتىڭ جەتىسۋ وبلىسى بويىنشا دەپارتامەنتى بۇل ورىنداردى وبلىستىق پروكۋراتۋرامەن، ۇلتتىق قاۋىپسىزدىك دەپارتامەنتىمەن، وبلىستىق پوليسيامەن جانە شەكارا قىزمەتىمەن بىرلەسىپ جويدى.
استىرتىن ويىن مەكەمەلەرى تۇندە تەك قىتايلىقتار ءۇشىن جۇمىس ىستەگەن. ءتىنتۋ ناتيجەسىندە 4 كوممەرسيالىق عيماراتتا 76 ويىن اۆتوماتى، 43 ويىن ۇستەلى، قۇمار ويىندارىن ۇيىمداستىرۋعا قاجەت كوپتەگەن تەحنيكالىق قۇرال-جابدىق، سونداي-اق 60 مىڭ يۋاننان اسا اقشا تابىلىپ، تاركىلەندى.
سوتقا دەيىنگى تەرگەۋ جالعاسىپ جاتىر.
قىلمىستىق-پروسەستىك كودەكستىڭ 201-بابىنا سايكەس، باسقا اقپارات جاريالانبايدى.
