"Qorǵas" SHYHO aýmaǵynyń Qazaqstanǵa tıesili bóliginde 6 jasyryn jumys istegen kazıno men jezóksheler prıtony anyqtaldy, dep habarlaıdy Dalanews.kz.
Zańsyz bıznesti Qytaı azamattary uıymdastyrǵan. Agenttiktiń Jetisý oblysy boıynsha departamenti bul oryndardy oblystyq prokýratýramen, Ulttyq qaýipsizdik departamentimen, oblystyq polısıamen jáne shekara qyzmetimen birlesip joıdy.
Astyrtyn oıyn mekemeleri túnde tek qytaılyqtar úshin jumys istegen. Tintý nátıjesinde 4 komersıalyq ǵımaratta 76 oıyn avtomaty, 43 oıyn ústeli, qumar oıyndaryn uıymdastyrýǵa qajet kóptegen tehnıkalyq qural-jabdyq, sondaı-aq 60 myń ıýánnan asa aqsha tabylyp, tárkilendi.
Sotqa deıingi tergeý jalǵasyp jatyr.
Qylmystyq-prosestik kodekstiń 201-babyna sáıkes, basqa aqparat jarıalanbaıdy.
