«ماسانچي اۋىلىندا جاپپاي توبەلەس ورىن العان. پوليسيا قاقتىعىستى توقتاتتى، جاعداي باقىلاۋعا الىندى» دەلىنگەن ۆەدومستۆو حابارلاماسىندا.
جامبىل وبلىسى پد وكىلدەرى ازاماتتاردى رەسمي مالىمەتكە عانا سەنۋگە شاقىرىپ، قاۋەسەت پەن جالعان اقپارات تاراتپاۋدى سۇرادى.
ايتا كەتەيىك، جالعان اقپاراتتى الەۋمەتتىك جەلىلەر مەن مەسسەندجەرلەر ارقىلى تاراتۋ – قىلمىس، ونىڭ جازاسى ءۇش جىلعا دەيىن باس بوستاندىعىنان ايىرۋعا دەيىن بارۋى مۇمكىن.
ال كتك ارناسى تىلشىلەرى جامبىل وبلىسى، قورداي اۋدانىندا جەرگىلىكتى تۇرعىندار ءتارتىپ ساقشىلارىمەن جاعا جىرتىسقانىن حابارلادى.
بۇل جاعداي ءقازىر الەۋمەتتىك جەلىدە قىزۋ تاقىلانىپ جاتىر. ۆيدەودا ءبىر توپ ادام تۋىسىن پوليسەيلەرگە بەرمەۋ ءۇشىن جانتالاسقانىن بايقاۋعا بولادى. ءتىپتى قۇزىرلى ورىن وكىلدەرىنە قول جۇمساۋعا دەيىن بارعان. كوپتى شۋلاتقان ازامات قانداي زاڭ بۇزۋشىلىق جاساعانى بەلگىسىز.
الەۋمەتتىك جەلىگە تارالىپ كەتكەن كورىنستەن ىردۋ-دىردۋ بولىپ، جاعا جىرتىسقان جۇرتتى كورۋگە بولادى. ۆيدەودان، ءتارتىپ ساقشىلارى الدەبىر ازاماتتى كولىككە مىنگىزە الماي، اۋرەگە تۇسكەنى بايقالادى.
ال ونى جاقىندارى جىبەرمەي، بارىنشا قوعاشتاپ ءجۇر. ءتىپتى ول ءۇشىن قۇزىرلى ورىن وكىلىنە قول جۇمساۋعانىن بايقاۋعا بولادى.
«تاپانشاڭدى شىعار، مەن اتامىن» دەگەن ازاماتتان وسىلايشا ءتارتىپ ساقشىسى تاياق جەپ تىندى. ءبىر ەمەس، بىرنەشە مارتە سوققى الدى. مۇنان كەيىن دە جاعداي باسىلمادى.
