«Masanchi aýylynda jappai tóbeles oryn alǵan. Politsiia qaqtyǵysty toqtatty, jaǵdai baqylaýǵa alyndy» delingen vedomstvo habarlamasynda.
Jambyl oblysy PD ókilderi azamattardy resmi málimetke ǵana senýge shaqyryp, qaýeset pen jalǵan aqparat taratpaýdy surady.
Aita keteiik, jalǵan aqparatty áleýmettik jeliler men messendjerler arqyly taratý – qylmys, onyń jazasy úsh jylǵa deiin bas bostandyǵynan aiyrýǵa deiin barýy múmkin.
Al KTK arnasy tilshileri Jambyl oblysy, Qordai aýdanynda jergilikti turǵyndar tártip saqshylarymen jaǵa jyrtysqanyn habarlady.
Bul jaǵdai qazir áleýmettik jelide qyzý taqylanyp jatyr. Videoda bir top adam týysyn politseilerge bermeý úshin jantalasqanyn baiqaýǵa bolady. Tipti quzyrly oryn ókilderine qol jumsaýǵa deiin barǵan. Kópti shýlatqan azamat qandai zań buzýshylyq jasaǵany belgisiz.
Áleýmettik jelige taralyp ketken kórinsten yrdý-dyrdý bolyp, jaǵa jyrtysqan jurtty kórýge bolady. Videodan, tártip saqshylary áldebir azamatty kólikke mingize almai, áýrege túskeni baiqalady.
Al ony jaqyndary jibermei, barynsha qoǵashtap júr. Tipti ol úshin quzyrly oryn ókiline qol jumsaýǵanyn baiqaýǵa bolady.
«Tapanshańdy shyǵar, men atamyn» degen azamattan osylaisha tártip saqshysy taiaq jep tyndy. Bir emes, birneshe márte soqqy aldy. Munan keiin de jaǵdai basylmady.
