استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ەكس-مينيستر ارىستانبەك مۇحامەديۇلى, ونىڭ ەيەلٸ عالييا ىسقاقوۆا مەن ادۆوكاتى مۋستاحيم تٷلەەۆ پارا بەرۋگە وقتالعانى, دەلدالدىق جەنە الاياقتىق ٷشٸن سوت ٷكٸمٸن شىعاردى, - دەپ حابارلايدى Dalanews.kz.
تەرگەۋ بارىسىندا مۇحامەديۇلى اسا ٸرٸ مٶلشەردە پارا بەرۋگە وقتالدى دەپ (قك 24-بابىنىڭ 3-بٶلٸگٸ – 367-بابىنىڭ 4-بٶلٸگٸ), ىسقاقوۆا – پاراقورلىققا دەلدالدىق جاسادى دەپ (قك 368-بابىنىڭ 1-بٶلٸگٸ) جەنە ت. – اسا ٸرٸ مٶلشەردە الاياقتىق جاسادى دەپ (قك 190-بابى 4-بٶلٸگٸنٸڭ 2) تارماعى) ايىپتالدى.
قانداي ايىپ تاعىلىپ وتىر?
مۇحامەديۇلى 2022 جىلدىڭ جەلتوقسانىندا استانا قالاسىنىڭ تەرگەۋ يزولياتورىندا بولعان كەزٸندە قاماۋدان بوساتىلىپ, "ديپلومات" قوناقٷيٸن مەنشٸگٸندە ۇستاپ قالعىسى كەلٸپ, ادۆوكات تٷلەەۆ ارقىلى لاۋازىمدى تۇلعالارعا اسا ٸرٸ مٶلشەردە پارا بەرۋگە نيەت بٸلدٸردٸ, بۇل رەتتە ٶزٸنٸڭ جۇبايى ىسقاقوۆانى پاراقورلىققا دەلدال رەتٸندە تارتۋعا شەشٸم قابىلدادى. ەرٸ قاراي, جۇبايى مۇحامەديۇلىمەن كەلٸسٸپ, تٷلەەۆپەن كەلٸسسٶزدەر جٷرگٸزٸپ, زاڭسىز اقشالاي سىياقىنى لاۋازىمدى ادامدارعا بەرۋ تۋرالى كەلٸسٸمدٸ جٷزەگە اسىرۋ ماقساتىندا تٷلەەۆكە مۇحامەديۇلىنىڭ پارا بەرۋگە دايىن ەكەنٸن ايتقان. 2022 جىلدىڭ جەلتوقسانىندا عالييا ىسقاقوۆا كافەدە "ديپلومات" قوناقٷيٸنٸڭ مەسەلەسٸن شەشۋ ٷشٸن ادۆوكات تٷلەەۆكە 140 مىڭ اقش دوللارىن جەكە ٶزٸ تابىستادى.
2023 جىلدىڭ قاڭتارىندا جۇبايى تٷلەەۆتٸڭ كٶلٸگٸندە دەلدال رٶلٸن اتقارا وتىرىپ, مۇحامەديۇلىنا قاتىستى بۇلتارتپاۋ شاراسىن ٶزگەرتۋ ٷشٸن 120 مىڭ اقش دوللارىن ٶزٸ تاپسىردى. 2023 جىلدىڭ سەۋٸرٸندە عالييا ىسقاقوۆا جٷرگٸزۋشٸسٸ ارقىلى ادۆوكات مۋستاحيم تٷلەەۆكە جازاسىن جەڭٸلدەتۋ ٷشٸن تاعى دا 100 مىڭ اقش دوللارىن بەردٸ.
2023 جىلدىڭ ماۋسىمىندا ول تاعى دا دەلدال رٶلٸن اتقارا وتىرىپ, ٶزٸنٸڭ ۇلى ارقىلى تٷلەەۆكە 27 ملن. تەڭگە جەنە 40 مىڭ اقش دوللارى سوماسىندا اقشا بەردٸ. تٷلەەۆ الداۋ جەنە سەنٸمگە قييانات جاساۋ ارقىلى اقشانى يەمدەنٸپ, ولاردى ٶز قالاۋى بويىنشا باسقاردى.
پروكۋرورلار نە دەيدٸ?
- سوتتا پروكۋرور ايىپتاۋدى قولداپ, مۇحامەديۇىنا قك-نٸڭ 58-بابىن قولدانا وتىرىپ, 12 جىلعا باس بوستاندىعىنان ايىرۋ جازاسىن تاعايىنداۋدى;
- ادۆوكات تٷلەەۆتٸ 6 جىل 8 اي باس بوستاندىعىنان ايىرۋدى;
- مۇحامەديۇلىنىڭ ەيەلٸ عالييا ىسقاقوۆانى 1 جىل 6 اي باس بوستاندىعىنان ايىرۋدى سۇرادى.
ٷشەۋٸ دە تاعىلعان ايىپتى مويىنداماي, ولاردى اقتاۋدى سۇراعان.
سوتتالۋشىلاردىڭ كٸنەسٸ كۋەگەرلەردٸڭ ايعاقتارىمەن, ساراپتامالاردىڭ قورىتىندىلارىمەن, جاسىرىن تەرگەۋ ەرەكەتتەرٸنٸڭ نەتيجەلەرٸمەن جەنە قىلمىستىق ٸستٸڭ باسقا دا ماتەريالدارىمەن دەلەلدەنگەن.
سوت شەشٸمٸ
سوت مۋستاحيم تٷلەەۆتٸڭ كٸشكەنتاي بالالارى بولۋىن, ىسقاقوۆا ونىڭ اسىراۋىندا قارت اناسىنىڭ بولۋىن قىلمىستىق جاۋاپتىلىق پەن جازانى جەڭٸلدەتەتٸن مەن-جايلار رەتٸندە تانىدى. مۇحامەديۇلىنا قىلمىستىق جاۋاپتىلىق پەن جازانى جەڭٸلدەتەتٸن مەن-جايلار انىقتالعان جوق. سوتتالۋشىلاردىڭ جاۋاپكەرشٸلٸگٸ مەن جازاسىن اۋىرلاتاتىن مەن-جايلار انىقتالمادى.
سوت ٷكٸمٸمەن ارىستانبەك مۇحامەديۇلى اسا ٸرٸ مٶلشەردە پارا بەرۋگە وقتالعانى ٷشٸن كٸنەلٸ دەپ تانىلىپ, قك-نٸڭ 58-بابىنىڭ 3 جەنە 6-بٶلٸكتەرٸ نەگٸزٸندە, 20.06.2023 جىلعى استانا قالاسىنىڭ قىلمىستىق ٸستەر جٶنٸندەگٸ اۋدانارالىق سوتىنىڭ ٷكٸمٸمەن تاعايىندالعان قاتاڭ جازانى نەعۇرلىم قاتاڭ جازاعا سٸڭٸرۋ جولىمەن قىلمىستىق قۇقىق بۇزۋشىلىقتار جيىنتىعى بويىنشا ٶمٸر بويىنا مەملەكەتتٸك قىزمەتتە لاۋازىمداردى اتقارۋعا تىيىم سالىنا وتىرىپ, 11 جىلعا باس بوستاندىعىنان ايىرىلدى.
ونىڭ ەيەلٸ عالييا ىسقاقوۆا پاراقورلىققا دەلدالدىق جاساعانى ٷشٸن كٸنەلٸ دەپ تانىلىپ (قك 368-بابىنىڭ 1-بٶلٸگٸ), ٶمٸر بويى مەملەكەتتٸك قىزمەتتە قىزمەت اتقارۋعا تىيىم سالىنىپ, 6 ايعا باس بوستاندىعىنان ايىرىلدى. ادۆوكات تٷلەەۆ اسا ٸرٸ مٶلشەردە الاياقتىق جاساعانى ٷشٸن كٸنەلٸ دەپ تانىلىپ (قك 190-بابى 4-بٶلٸگٸنٸڭ 2) تارماعى), 10 جىل مەرزٸمگە ادۆوكاتتىق قىزمەتپەن اينالىسۋ قۇقىعىنان ايىرىلا وتىرىپ, 6 جىل 8 ايعا باس بوستاندىعىنان ايىرىلدى.
ٷكٸم زاڭدى كٷشٸنە ەنگەن جوق.
