زيالى قاۋىممەن كەزدەسۋدە اتقارۋشى حاتشى جاڭا وبلىستار قۇرىلعاننان كەيىن قونايەۆ قالاسى الماتى وبلىسىنىڭ اكىمشىلىك ورتالىعى رەتىندە وسى ءوڭىردىڭ دامۋىنا قوسىمشا سەرپىن بەرەتىنىن اتاپ ءوتتى.
– قونايەۆ قالاسىنىڭ تۇرعىندارى – مەملەكەت باسشىسىنىڭ حالىققا جولداۋىندا ايتىلعان ەلىمىزدەگى اۋقىمدى وزگەرىستەردى قىزۋ قولداعان العاشقىلاردىڭ ءبىرى. ەندى ساياسي رەفورمالار باعىتىن تولىق جۇزەگە اسىرۋ ءۇشىن «ەكىنشى رەسپۋبليكانىڭ» ساياسي ىرگەتاسى بولاتىن كونستيتۋسيالىق رەفورما جۇرگىزۋ ۇسىنىلىپ وتىر. ەلىمىز دەموكراتيالىق قاعيداتتاردى تولىعىمەن ۇستانادى. بۇعان اتا زاڭعا وزگەرىستەر مەن تولىقتىرۋلار ازاماتتاردىڭ جاپپاي داۋىس بەرۋى ارقىلى ەنگىزىلەتىندىگى دالەل بولا الادى. ءبىز قالا تۇرعىندارى دا وعان بەلسەندى قاتىساتىنىنا سەنىمدىمىز، – دەدى اسحات ورالوۆ.
ءوز كەزەگىندە، ىلە اۋدانى ارداگەرلەر كەڭەسىنىڭ مۇشەسى ەربول تۇرىمبەتوۆ وبلىس جانە قالاداعى زيالى قاۋىم وكىلدەرى، اقساقالدار، مادەنيەت جانە سپورت قايراتكەرلەرى داۋىس بەرۋگە شىعارىلاتىن تۇزەتۋلەردىڭ ماڭىزدىلىعىن ءتۇسىندىرۋ جۇمىستارىنا بەلسەندى قاتىسىپ جاتقانىن حابارلادى.
– رەفەرەندۋم – بۇل حالقىمىز ءۇشىن سىناق ىسپەتتى. كەزدەسۋلەر بارىسىندا حالىقتىڭ بۇل باستامانى جوعارى باعالايتىنىن جانە داۋىس بەرۋگە قاتىسۋعا دايىن ەكەندىگىن كورەمىز. ويتكەنى ەلدەگى كەز كەلگەن وزگەرىس تۇپتەپ كەلگەندە اتا زاڭعا بايلانىستى ەكەنى بەلگىلى، – دەپ اتاپ ءوتتى ەربولات تۇرىمبەتوۆ.
پارتيا اكتيۆىنىڭ جيىنى بارىسىندا اسحات ورالوۆ اماناتتىقتار مەملەكەت باسشىسىنىڭ قوعامدىق تىرەگى جانە ەلدىڭ ەڭ ءىرى ساياسي كۇشى بولا وتىرىپ، بارلىق وزگەرىستىڭ الدىڭعى شەبىندە بولۋعا ءتيىس ەكەنىن اتاپ ءوتتى. ونىڭ ايتۋىنشا، پارتيا دا بۇكىل ەلىمىز سياقتى، ترانسفورماسيا پروسەسىن باستان وتكەرۋدە جانە ءقازىر قازاقستاندىقتاردىڭ قاسىم-جومارت توقايەۆ ۇسىنعان رەفورمالار باعىتى توڭىرەگىندە توپتاسۋى ماڭىزدى.
قالالىق سۋ ەلەكتر ستانساسىنىڭ ۇجىمىمەن جۇزدەسۋ بارىسىندا دا الداعى وزگەرىستەر جايى تالقىلاندى. كەزدەسۋگە قاتىسۋشىلار جالپىحالىقتىق رەفەرەندۋم وتكىزۋدى قولداپ، داۋىس بەرۋ كۇنى قالا تۇرعىندارى جوعارى بەلسەندىلىك تانىتاتىنىنا سەنىم ءبىلدىردى.
پارتيانىڭ الماتى وبلىستىق فيليالىندا «AMANAT»-تىڭ 90 مىڭنان استام مۇشەسى جانە 307 باستاۋىش پارتيا ۇيىمى بار.
