"قوناەۆ? وسى ارادا بەرٸمٸز بٷگەجەكتەپ ايتا المايتىن بٸر اششى اقيقات بار. قانشا جەردەن ماداقتاپ, ەسپەتتەسەك تە, قوناەۆتىڭ رۋحانييات سالاسىندا تەك «ورىستاندىرۋ» باعىتىن ۇستانعانىن جاسىرا المايمىز.
ونىڭ كەزٸندە 700-دەن اسا قازاق مەكتەبٸ جابىلىپ قالعانى شىندىق. «جاپتىرمايمىن!» دەسە, بيلٸك قولىندا تۇر ەدٸ. جوق, بيلٸگٸن پايدالانبادى. ال, سول كەزەڭدەردە بٸز سيياقتى كٷن كەشكەن ٶزبەك, تٷركٸمەن, تەجٸك مەكتەپتەرٸنٸڭ بٸردە-بٸرٸ جابىلعان ەمەس.
الماتى سىندى قالادا №12 ورتا مەكتەپ پەن ەكٸ مەكتەپ-ينتەرناتتى قوسقاندا, بار-جوعى ٷش-اق بٸلٸم وشاعى قازاق تٸلٸندە وقىتاتىن", – دەيدٸ قايىم-مۇنار تابەەۆ.
ونىڭ پٸكٸرٸنشە قوناەۆتىڭ قازاققا قىرىن قاراۋىنىڭ مىناداي سەبەبٸ بار. قالامگەر وسى ورايدا ۇيعىر جازۋشىسى ەبدٸكەرٸم عانيەۆتٸڭ «يسمايل يۋسۋپوۆ: «س چيستوتوي پومىسلوۆ» اتتى دەرەكتٸ پوۆەسٸنٸ مەن جۋرناليست مادات اققوزيننٸڭ ەستەلٸگٸن مىسالعا كەلتٸرەدٸ.
"1962-64 جىلدارى قازاقستان كومپارتيياسى وك-نٸڭ بٸرٸنشٸ حاتشىسى بولىپ قىزمەت ٸستەگەن يۋسۋپوۆتىڭ ەستەلٸگٸ بار. «رەسپۋبليكاعا باسشىلىق ەتۋگە مەن كەلگەندە «مەنٸڭ قاراكٶز دوستارىم» قازاقستاننىڭ باسىنا ۇيعىر كەلدٸ دەدٸ. ال, قوناەۆ تۋرالى ونداي ەڭگٸمە ايتىلعان جوق. ونىڭ ۇلتى تاتار ەدٸ عوي. بٸز د.ا.قوناەۆ ەكەۋمٸز بالا كەزدەن بٸرگە ٶستٸك, سوسىن سوپى زارۆات اتىنداعى ۇيعىر ورتا مەكتەبٸندە بٸرگە وقىدىق".
سونىمەن بٸرگە ارداگەر جۋرناليست مادات اققوزين بىلاي دەپ جازىپتى:
"دٸنمۇحامەد قوناەۆتىڭ قابىلداۋىندا ەكٸ قازاق, بٸر ورىس وتىر. ولار اۋداندىق پارتييا كوميتەتٸنٸڭ بٸرٸنشٸ حاتشىلىعىنا بەكٸتٸلەيٸن دەپ جاتقاندار ەدٸ. انا تٸلٸندە امانداسقان ەكٸ قازاقتى قوناەۆ سول جەردە توقتاتىپ, «جالپىعا تٷسٸنٸكتٸ» ورىس تٸلٸنە كٶشۋلەرٸن سۇرايدى. سول ٷشەۋدٸڭ بٸرٸ – مەنٸڭ ەسكٸ تانىسىم راحىمباي تازابەكوۆ بولاتىن. ول اۋىلدا تۋعان ادام. وعان رەسپۋبليكا باسشىسىنىڭ ٶزٸ سەكٸلدٸ ەكٸنشٸ قازاقتان ورىسشا سٶيلەۋٸن تالاپ ەتۋٸ وعاش بولىپ كٶرٸنگەن» (اzattyq.org. 30.11.2009 ج.)
قازاق تٸلٸنٸڭ قادٸرٸن تٷسٸرەتٸن دە, كٶتەرەتٸن دە بيلٸكتەگٸ بٸرٸنشٸ باسشىلار ەكەنٸندە داۋ جوق. قالاي بولسا دا, شىققان تەگٸندە شارۋامىز شامالى, قازاق مەكتەپتەرٸنٸڭ جاپپاي جابىلۋى – تٸكەلەي قوناەۆتىڭ موينىنداعى ٸس", – دەپ تٷيٸندەيدٸ ماقالا اۆتورى.
تابەەۆتٸڭ پٸكٸرٸنشە ٶز انا تٸلٸندە سٶيلەگەن جاستارعا جيرەن شاشتى اپامىزدىڭ «گوۆوري پو-رۋسسكيي!» دەپ زەكٸپ, دٸكەڭدەگەنٸنە دە كٸنەلٸ قوناەۆ.
ماقالانىڭ تولىق نۇسقاسىن تٶمەندەگٸ سٸلتەمەگە ٶتٸپ وقي الاسىز:
https://dalanews.kz/58548
