اتىراۋ حالقى قولقانى قاباتىن ٶتكٸر يٸستەن تۇنشىعىپ وتىرعانىن ايتتى, دەپ حابارلايدى Dalanews.kz "كتك" تەلەارناسىنا سٸلتەپ.
ەكولوگتار كٷكٸرتسۋتەگٸنٸڭ مٶلشەرٸ قاۋٸپتٸ دەڭگەيگە جەتكەنٸن انىقتاپتى.
"ەكولوگييا دەپارتامەنتٸ حالىق كٶپ شاعىمدانعان ايماقتاردان سىناما الىپ, اۋا ساپاسى لاستانعانىن انىقتادى. كٷكٸرتسۋتەگٸ تاسقالا اۋىلى ماڭىندا 17 ەسەگە, تاسقالا اۋىلىنا ٸرگەلەس اۋماقتا 15 ەسەگە, حيميكتەر اۋىلىندا 36,3 ەسەگە شەكتەن اسقان. قازٸر زەرتتەۋ قۇجاتتارى دايىندالىپ جاتىر. اتىراۋ مۇناي ٶڭدەۋ زاۋىتىنا باقىلاۋ جٷرگٸزٸلەدٸ", - دەدٸ اتىراۋ وبلىسى ەكولوگييا دەپارتامەنتٸ باسشىسىنىڭ ورىنباسارى ەرلان ەسەنوۆ.
دەمالىستا اتىراۋ مۇناي ٶڭدەۋ زاۋىتى ماڭىنداعى تۇرعىندار ٶتكٸر يٸستەن ەسٸك-تەرەزەسٸن اشپاي, دالاعا شىعا الماي قالعان. تٸپتٸ قارت كٸسٸلەر "دەنساۋلىعىمىز سىر بەردٸ" دەپ شاعىمدانعان.
ەكولوگتار كٷكٸرتسۋتەگٸنٸڭ مٶلشەرٸ كٶپ دەگەنٸمەن, مۇناي ٶڭدەۋ زاۋىتىنىڭ ٶكٸلدەرٸ مۇنىمەن كەلٸسپەي وتىر.
"اتىراۋ اۋماعىندا زاۋىتتان باسقا دا لاستاۋشى كٶزدەر بار. ناقتى قايدان بولعانىن قۇزىرلى ورگاندار ايتادى", - دەدٸ امٶز قورشاعان ورتانى قورعاۋ بٶلٸمٸنٸڭ جەتەكشٸ ينجەنەرٸ مٶلدٸر بوراشوۆا.
