كٷنٸ كەشە عانا ەڭ جاس وتىزدان اسقان اۋىل شارۋاشىلىعى ۆيتسە-مينيسترٸ ەبٸلحايىر تامابەك قىزمەتٸنەن بوسادى. ول جامبىل وبلىسىنا قايتادى دەيدٸ, – DALA INSIDE دەرەككٶزٸ.
"تامابەك سول جاعالاۋداعى تۋسوۆكاعا سىيمادى. سەبەبٸ جەر "لوببيستەرٸمەن", لاتيفۋنديستەرمەن اشىق كٷرەس جٷرگٸزدٸ. ەسٸرەسە Respublica پارتيياسىنا ۇناماي قالدى"
جاس قاسقىر ەبٸلحايىر تامابەك مەجٸلٸستٸڭ كەزەكتٸ بٸر وتىرىسىندا Respublica پارتيياسىنىڭ تٶراعاسى, اگرارلىق كوميتەت مٷشەسٸ ايداربەك قوجانازاروۆپەن اشىق تارتىسقا كەتٸپ ەدٸ.
سول زالداعى تارتىس كابينەتارالىق ينتريگالارعا ۇلاسقانىن ەستٸگەنبٸز. قوجانازاروۆ قاتتى رەنجٸپ, مەجٸلٸس دەپۋتاتتارىنان بٸرتٸندەپ قول جيناپ, تامابەكتەن قۇتىلۋدىڭ جولدارىن ٸزدەگەن. تٸپتٸ, كٶپشٸلٸك الدىندا كەشٸرٸم سۇراتۋعا دا تىرىسقان كٶرٸنەدٸ.
سول وقيعادان كەيٸن تامابەك مەجٸلٸس جينالىستارىنا قاتىسپايتىن بولدى. ال دەپۋتات قوجانازاروۆتىڭ جەر مەسەلەسٸندەگٸ ەلسٸز تۇسى – باسقارۋىنداعى 400 مىڭ گەكتار جەرٸ بولىپ وتىر. تامابەك قىزمەتتەن كەتكەننەن كەيٸن جينالىسقا كەلگەن مينيستر, ۆيتسە-مينيسترلەردٸ "ساباپ الۋعا" ٷيرەنگەن دەپۋتاتتاردىڭ تىنىسى كەڭەيدٸ.
اقپارات قۇرالدارى ەكس ۆيتسە-مينيستردٸڭ ەكٸ جىلدا مەملەكەت مەنشٸگٸنە ون ميلليون گەكتار جەر قايتارۋ, سول جەردٸ شارۋالارعا ەدٸل بٶلۋ, سۋبسيدييا سالاسىنداعى ٶزگەرٸستەرگە باتىل قادامدار جاساۋ سيياقتى ٸستەرمەن ەستە قالعانىن جازىپ جاتىر. پرەزيدەنت توقاەۆ باتىل قادامدار كەرەك دەسە دە, قوي تەرٸسٸن جامىلىپ پارلامەنتكە كٸرٸپ العان لاتيفۋنديستەرگە "باتىل قادامدار" مٷلدە ۇنامادى.
