– بۇگىنگە دەيىن ۇساق بۇزاقىلىعى ءۇشىن 17 مىڭ تەڭگەدەن ءسال استام ايىپپۇل سالىناتىن نەمەسە 15 تاۋلىككە قامالاتىن. جاڭا رەداكسيا بويىنشا 69 مىڭ تەڭگە ايىپپۇل سالىنادى نەمەسە 5 تاۋلىكتەن 30 تاۋلىككە دەيىن قاماۋعا الىنادى، – دەدى ءىىم اكىمشىلىك پوليسيا كوميتەتىنىڭ وكىلى ازامات قۇرىمبايەۆ.
تۇزەتۋ جاڭا كودەكس رەسمي تۇردە جاريالانعان سوڭ 60 كۇننەن كەيىن كۇشىنە ەنەدى.
كەيىنگى جىلدارى الەۋمەتتىك جەلىدە قوعامدىق ورىندارداعى مورالدىق-ەتيكالىق مىنەز-قۇلىق تۋرالى پىكىرتالاس ءجيى بايقالعان.
2022 جىلى جازدا استانا ءماسليحاتىنىڭ دەپۋتاتتارى كوشەدە تۇكىرگەندەرگە ايىپپۇلدى كوبەيتۋدى ۇسىنعان. بۇل ۇسىنىستى دەنساۋلىق ساقتاۋ ءمينيسترى اجار عينيات قولداپ، قوعامدىق تالقىلاۋعا شىعارۋدى ۇسىنعان-دى.
بىلتىر استانا اكىمدىگى كولىكتە كەتىپ بارا جاتىپ تۇكىرەتىندەردى مەملەكەتتىك ءنومىرى ارقىلى انىقتاپ، ايىپپۇل سالاتىنىن حابارلاعان. الماتى پوليسەيلەرى دە تۇرعىنداردى كوشەدە تۇكىرگەن اۆتوكولىك يەلەرى تۋرالى 102 قوسىمشاسىنا فوتو جانە ۆيدەو جىبەرۋگە شاقىرعان.
قازاقستاندا كوشەدە تۇكىرگەنى ءۇشىن اكىمشىلىك قۇقىق بۇزۋشىلىق تۋرالى كودەكس بويىنشا بەس ايلىق ەسەپتى كورسەتكىشكە تەڭ ايىپپۇل سالىنادى.
