– Búginge deıin usaq buzaqylyǵy úshin 17 myń teńgeden sál astam aıyppul salynatyn nemese 15 táýlikke qamalatyn. Jańa redaksıa boıynsha 69 myń teńge aıyppul salynady nemese 5 táýlikten 30 táýlikke deıin qamaýǵa alynady, – dedi İİM ákimshilik polısıa komıtetiniń ókili Azamat Qurymbaev.
Túzetý jańa kodeks resmı túrde jarıalanǵan soń 60 kúnnen keıin kúshine enedi.
Keıingi jyldary áleýmettik jelide qoǵamdyq oryndardaǵy moraldyq-etıkalyq minez-qulyq týraly pikirtalas jıi baıqalǵan.
2022 jyly jazda Astana máslıhatynyń depýtattary kóshede túkirgenderge aıyppuldy kóbeıtýdi usynǵan. Bul usynysty densaýlyq saqtaý mınıstri Ajar Ǵınıat qoldap, qoǵamdyq talqylaýǵa shyǵarýdy usynǵan-dy.
Byltyr Astana ákimdigi kólikte ketip bara jatyp túkiretinderdi memlekettik nómiri arqyly anyqtap, aıyppul salatynyn habarlaǵan. Almaty polıseıleri de turǵyndardy kóshede túkirgen avtokólik ıeleri týraly 102 qosymshasyna foto jáne vıdeo jiberýge shaqyrǵan.
Qazaqstanda kóshede túkirgeni úshin Ákimshilik quqyq buzýshylyq týraly kodeks boıynsha bes aılyq esepti kórsetkishke teń aıyppul salynady.
