كونستانتين حارلاموۆ قازاقستان رەسپۋبليكاسىنىڭ اقپارات جانە قوعامدىق دامۋ مينيسترلىگى «قوعامدىق كەلىسىم» رەسپۋبليكالىق مەملەكەتتىك مەكەمەسى ديرەكتورىنىڭ ورىنباسارى قىزمەتىنە تاعايىندالدى.

ك.ي. حارلاموۆ قحا قىزمەتى مەن ەتنوسارالىق قاتىناستار سالاسىنداعى جۇمىستاردى اقپاراتتىق سۇيەمەلدەۋدى ۇيىمداستىرۋ ماسەلەلەرىمەن اينالىساتىن بولادى.

ول 1984 جىلعى 22 ناۋرىزدا دۇنيەگە كەلدى.

2005 جىلى الماتى قالاسىندا ءال-فارابي اتىنداعى ءقازۇۋ-دى «جۋرناليستيكا» ماماندىعى بويىنشا، 2015 جىلى - ماگيستراتۋرانى قازاق ەكونوميكا، قارجى جانە حالىقارالىق ساۋدا ۋنيۆەرسيتەتىن «مەملەكەتتىك باسقارۋ» ماماندىعى بويىنشا ءبىتىردى.

مەملەكەتتىك (قازاق)، ورىس، اعىلشىن، تۇرىك تىلدەرىن جەتىك مەڭگەرگەن.

ەڭبەك جولىن 2003 جىلى «كتك تەلەارناسى» اق، «كاراۆان» گازەتىندە، «ءبىزدىڭ سپورت» ينتەرنەت-سايتىندا تەلەجۇرگىزۋشى، ءتىلشى بولىپ باستاعان.

2006 جىلدان 2008 جىلعا دەيىن «استانا تەلەارناسى» جشس-دە تەلەجۇرگىزۋشى، شىعارۋشى رەداكتور بولىپ جۇمىس جاسادى. ءار جىلدارى ول ق ر جوعارعى سوتى ب ا ق جانە جۇرتشىلىقپەن بايلانىس ءبولىمىنىڭ باس كونسۋلتانتى، بۇۇدب (بىرىككەن ۇلتتار ۇيىمىن دامىتۋ باعدارلاماسى) PR-مامانى، «قازمۇنايگاز» ۇك اق باسپا ءسوز حاتشىسى، ۆتب بانك اق ەۇ (قازاقستان) باسپا ءسوز حاتشىسى، قازاقستان اۆتوبيزنەس قاۋىمداستىعىنىڭ (قابق) اتقارۋشى ديرەكتورى قىزمەتتەرىن اتقاردى.

2015 جىلدان 2016 جىلعا دەيىن كونستانتين حارلاموۆ قازاقستان فۋتبول فەدەراسياسى اقپاراتتىق ساياسات دەپارتامەنتىنىڭ ديرەكتورى بولىپ ەڭبەك ەتتى. 2017 جىلعى ساۋىردەن باستاپ قازىرگى تاعايىنداۋعا دەيىن ول Atameken Business تەلەارناسىنىڭ جاڭالىقتار جۇرگىزۋشىسى، «بيزنەس ي زاكون» جانە «ناشە دەلو» اپتالىق اناليتيكالىق باعدارلامالار اۆتورى مەن جۇرگىزۋشىسى بولىپ جۇمىس جاسادى.