دەرەككٶز: alashainasy.kz
«ەۋرازييا ەلەمٸ» پٸكٸر-سايىس كلۋبىنىڭ قاتىسۋشىلارى دەل وسى مەسەلەنٸ تالقىعا سالدى. «ينتەگراتسييانىڭ قوعامدىق ديپلوماتيياسى» تاقىرىپتا ٶتكەن جيىننىڭ شىمىلدىعىن ساياساتتانۋشى ەدۋارد پولەتاەۆ تٷردٸ. ونىڭ پٸكٸرٸنشە وسى وداقتىڭ قازٸرگٸ جاعدايلار اياسىنداعى ماڭىزىن تٷسٸندٸرۋدە مەيلٸنشە قوعامعا جاقىن بولۋ قاجەت. «بۇل تاراپتا «قوعامدىق ديپلوماتييا» اتتى قالىپتاسقان تەرميننٸڭ ٶزٸ بٷگٸنگٸ تاقىرىپتىڭ اياسىن اشپايدى. «مەدەني ديپلوماتييا», «حالىقتىق ديپلوماتييا», «ازاماتتىق ديپلوماتييا» اتتى تٷسٸنٸكتەردٸ قايتا پايدالانۋ كەرەك», – دەدٸ ول.
ال ساياساتتانۋشى مارات شيبۇتتىڭ پٸكٸرٸنشە وداق اياسىندا اتقارىلار ٸستەردٸ قوعامدىق تۇلعالار, ساراپشىلار ارقىلى تٷسٸندٸرگەن ماڭىزدى. «قوعامدىق ديپلوماتييا» دەگەنٸمٸز وسى. بۇل رەسمي ورگانداردىڭ مەلٸمدەمەلەرٸنە قاراعاندا حالىققا ەلدەقايدا جاقىن», – دەدٸ ول.
ٶز كەزەگٸندە قازاق-نەمٸس ۋنيۆەرسيتەتٸنٸڭ جانىنداعى حالىقارالىق جەنە ايماقتىق ەرٸپتەستٸك ينستيتۋتىنىڭ ديرەكتورى بولات سۇلتانوۆتىڭ ايتۋىنشا دەل قازٸرگٸ جاعدايدا حالىققا ەۋرازييالىق وداقتىڭ ارتىقشىلىعى مەن كەمشٸلٸگٸن اشىپ ايتۋ كەرەك. «بۇل مٸندەتتٸ «قوعامدىق ديپلوماتييانىڭ» ٶكٸلدەرٸنە جٷكتەسە, وداق اياسىنداعى كٶپ كٷمەننٸڭ بۇلتى سەيٸلەر ەدٸ», – دەدٸ ٶز سٶزٸندە سۇلتانوۆ.
ال قازاقستاننىڭ فرانتسييا مەن شۆەيتساريياداعى بٸر كەزگٸ ەلشٸسٸ بولعان قازبەك بەيسەباەۆ قوعامدىق ديپلوماتييادا جۋرناليستەردٸڭ رٶلٸ زور ەكەنٸن تٸلگە تيەك ەتتٸ. «ەۋرازييالىق وداققا بٸرٸكتٸك ەكەن. ەندەشە بٸراز دٷنيەنٸڭ باسىن اشۋ كەرەك. ايتالىق, كٶزٸ اشىق, كٶكەرەگٸ وياۋ قاۋىم قازٸرگٸ ۋكراينداعى جاعدايعا قاراپ قازاقستاننىڭ سولتٷستٸك بٶلٸگٸنە الاڭدايدى. الايدا بٸز ٶزٸمٸزدٸ جەنە ۋكراينانى سالىستىرۋعا تيٸستٸ ەمەسپٸز. نەگٸزٸندە بٸزدٸ بٸرٸكتٸرەتٸن قۇندىلىقتار بار. ەكٸ ەلدٸڭ اراسىنا سىزات تٷسٸرگەنشە سولاردى كٶبٸرەك ايتۋ كەرەك», – دەدٸ ول.
كەزدەسۋدٸ تٷيٸندەگەن لەسيا قاراتاەۆا بٸراز نەرسەنٸڭ باسىن اشىپ ايتتى. ونىڭ پٸكٸرٸنشە, قازاقستان مەن رەسەيدٸڭ اراسىنا بٸز ەمەس, تەرٸسكەي كٶرشٸمٸزدٸڭ راديكالدى پٸكٸردەگٸ كەيبٸر ساياساتتانۋشىلارى سىزات تٷسٸرٸپ وتىر. «ولار ينتەگراتسييانى ٶزدەرٸنشە «باسقا قىرىنان» تٷسٸندٸرمەك بولادى. «كەلمەسكە كەتكەن كەڭەستٸك دەۋٸردٸ تٸرٸلتەمٸز...» دەگەندەي پٸكٸر ايتادى. قازاقستاندىقتار بۇعان قارسى», – دەدٸ ٶز سٶزٸندە قاراتاەۆا.
اۆتور: سەرٸك جۇماباەۆ
