قازاقستان رەسپۋبليكاسى پرەزيدەنتٸ جانىنداعى ۇلتتىق قۇرىلتايدىڭ مٷشەسٸ, تٷركٸستان وبلىستىق قوعامدىق كەڭەسٸنٸڭ تٶراعاسى بايدٸلدا جٸلقيشيەۆ حالىققا ارناعان جولداۋىندا مەملەكەت باسشىسى كٶتەرگەن ٶزەكتٸ مەسەلەلەردٸڭ بٸرٸ – ساپالى اۋىزسۋمەن قامتاماسىز ەتۋ جايلى پٸكٸر بٸلدٸردٸ,- دەپ حابارلايدى Dalanews.kz
— سۋ – ستراتەگييالىق رەسۋرس. پرەزيدەنتٸمٸز اتاپ ٶتكەندەي, بٸز بۇل تابيعي بايلىققا بارىنشا ۇقىپتى قاراۋىمىز كەرەك, ٶيتكەنٸ ونىڭ قورى شەكسٸز ەمەس, — دەدٸ ول.
مەملەكەت باسشىسى قاسىم-جومارت توقاەۆ تابيعي رەسۋرستاردى, ەسٸرەسە سۋدى ٷنەمدەۋ مەدەنيەتٸ بٸزدە ەلٸ دۇرىس قالىپتاسپاي وتىرعانىن اتاپ ٶتتٸ. بۇل باعىتتا ازاماتتارمەن, ەسٸرەسە جاستارمەن جٷيەلٸ تٷسٸندٸرۋ جەنە يدەولوگييالىق جۇمىس جٷرگٸزۋ قاجەتتٸگٸن ەسكەرتتٸ.
پرەزيدەنت سونىمەن قاتار سۋعا قوجايىندىق كٶزقاراسپەن قاراۋدى, ٷنەمدٸ تۇتىنۋ مەدەنيەتٸن ٸلگەرٸلەتۋدٸ تاپسىردى. ول تۇرعىن ٷي-كوممۋنالدىق شارۋاشىلىق سالاسىنا جاڭا ەكولوگييالىق جەنە سانيتارلىق-گيگيەنالىق نورمالاردى ەنگٸزۋدٸ, سۋ ٷنەمدەيتٸن تەحنولوگييالاردى تيٸمدٸ پايدالانۋدى جٷكتەدٸ.
سونىمەن بٸرگە, پوليۆتٸك سۋدى رۇقساتسىز پايدالانۋعا, قۇجاتسىز الۋعا جەنە قارا نارىقتا زاڭسىز ساتۋعا جول بەرمەۋدٸ قۇقىق قورعاۋ جەنە اتقارۋشى ورگانداردىڭ باستى مٸندەتٸ رەتٸندە ايقىندادى.
