Qazaqstan Respýblikasy Prezidenti janyndaǵy Ulttyq quryltaidyń múshesi, Túrkistan oblystyq qoǵamdyq keńesiniń tóraǵasy Baidilda Jilqishiev halyqqa arnaǵan Joldaýynda Memleket basshysy kótergen ózekti máselelerdiń biri – sapaly aýyzsýmen qamtamasyz etý jaily pikir bildirdi,- dep habarlaidy Dalanews.kz
— Sý – strategiialyq resýrs. Prezidentimiz atap ótkendei, biz bul tabiǵi bailyqqa barynsha uqypty qaraýymyz kerek, óitkeni onyń qory sheksiz emes, — dedi ol.
Memleket basshysy Qasym-Jomart Toqaev tabiǵi resýrstardy, ásirese sýdy únemdeý mádenieti bizde áli durys qalyptaspai otyrǵanyn atap ótti. Bul baǵytta azamattarmen, ásirese jastarmen júieli túsindirý jáne ideologiialyq jumys júrgizý qajettigin eskertti.
Prezident sonymen qatar sýǵa qojaiyndyq kózqaraspen qaraýdy, únemdi tutyný mádenietin ilgeriletýdi tapsyrdy. Ol turǵyn úi-kommýnaldyq sharýashylyq salasyna jańa ekologiialyq jáne sanitarlyq-gigienalyq normalardy engizýdi, sý únemdeitin tehnologiialardy tiimdi paidalanýdy júktedi.
Sonymen birge, polivtik sýdy ruqsatsyz paidalanýǵa, qujatsyz alýǵa jáne qara naryqta zańsyz satýǵa jol bermeýdi quqyq qorǵaý jáne atqarýshy organdardyń basty mindeti retinde aiqyndady.
