سوت وتىرىسى ZOOM ارقىلى ونلاين رەجيمدە ءوتتى. ءبىرتانوۆتىڭ ادۆوكاتتارى تەرگەۋ سوتىنىڭ شەشىمىمەن كەلىسپەيدى. ولار كليەنتىن ءۇي قاماۋىنا زاڭسىز قالدىردى دەپ سانايدى.
سۋديا ءبىرتانوۆتىڭ جەكە باسىنا قول سۇقپاۋشىلىق قۇقىعىن ورەسكەل بۇزدى. ول ونى زاڭدى نەگىزسىز باس بوستاندىعىنان ادەيى ايىردى.ناتيجەسىندە قىلمىستىق ءىس جۇرگىزۋ كودەكسىنىڭ 16-بابىنا سايكەس، ازامات ءبىرتانوۆتىڭ قۇقىقتارى مەن بوستاندىقتارىن قورعاۋعا مىندەتتى سۋديا ونى زاڭسىز شەشىم شىعارۋ ارقىلى ماقساتتى تۇردە بۇزدى، - دەدى ادۆوكات دميتريي كۋرياچەنكو.
ەكس-مينيستردىڭ قورعاۋشىسى 14 شىلدەدەگى قاۋلىنىڭ كۇشىن جويىپ، ءبىرتانوۆتى ءۇي قاماعىنان بوساتۋدى تالاپ ەتتى.
ەلجان ءبىرتانوۆ ادۆوكاتتاردىڭ شاعىمىن قولدادى.
"وزدەرىڭىز بىلەتىندەي، وتكەن جىلدىڭ قازان ايىندا ماعان بيۋدجەت قاراجاتىن جىمقىردى نەمەسە ىسىراپ ەتتى دەگەن ايىپ تاعىلىپ، 10 اي بويى بيۋدجەت قاراجاتىن جىمقىردى دەگەن كۇدىككە ءىلىندىم. 10 ايدان كەيىن ءىس اسىرا سىلتەۋ ساناتىنا اۋىستىرىلدى.
مەن ەمەس، مۇنى مازمۇنى مەن تاعايىندالعان ايىپ پەن جازاسى ءارتۇرلى بولىپ كەلەتىن جارىق كورگەن ءارتۇرلى ماقالالار ايتىپ بەرە الادى. مەنى ۇستاپ، كۇدىك كەلتىرگەنى ءوز الدىنا ءبىر باسقا نارسە، ال بۇكىل قوعام 10 اي بويى مەنى بيۋدجەت قاراجاتىن ۇرلاۋعا قاتىستى دەپ ەسەپتەپ كەلدى.
ال ۇزاق تەرگەۋ ۋاقىتى وتكەننەن كەيىن ماعان قىزمەتىمدى اسىرا پايدالاندى دەگەن ايىپقا اينالعانى - بۇل باسقا ماسەلە. ايتايىن دەگەنىم، مەن بۇل كۇدىكپەن كەلىسپەيمىن جانە ەشقانداي قيانات بولماعانىن دالەلدەۋ ءۇشىن باستى سوت پروسەسىن كۇتەمىن. وسى ورايدا، مەنىڭ ادۆوكاتتارىمنىڭ اپپەلياسيالىق شاعىمىن وبەكتيۆتى تۇردە قاراۋىڭىزدى سۇرايمىن"، - دەدى دەنساۋلىق ساقتاۋ مينيسترلىگىنىڭ ەكس-باسشىسى.
ءبىراق پروكۋرور ادۆوكاتتارمەن كەلىسپەدى. ونىڭ ايتۋىنشا، ءبىرتانوۆتى ءۇي قاماعىنا الۋ مەرزىمىن 14 قىركۇيەككە دەيىن ۇزارتۋ تۋرالى بۇيرىق زاڭدى تۇردە قابىلدانعان.
ءبىرتانوۆ پەن ونىڭ قورعاۋشىلارىنىڭ شاعىمىن قاناعاتتاندىرۋسىز قالدىرۋدى سۇرايمىن، - دەدى سانات تالقانبايەۆ.
سۋديا ەلەونورا وڭعارسىنوۆا ءبىرتانوۆتى قاماۋعا الۋ مەرزىمىن ۇزارتۋ تۋرالى شەشىمدى وزگەرىسسىز قالدىردى. ول تەرگەۋ سوتىنىڭ قورىتىندىلارى دالەلدى جانە زاڭ نورمالارىنا سايكەس كەلەتىندىگىن ايتتى.
تەرگەۋ سوتىنىڭ ۇكىمى وزگەرىسسىز قالدىرىلسىن، ادۆوكاتتاردىڭ جەكە شاعىمدارى قاناعاتتاندىرىلعان جوق، - دەدى ول.
8 شىلدەدە قارجى مونيتورينگى اگەنتتىگى ەلجان ءبىرتانوۆ پەن دەنساۋلىق ساقتاۋ سالاسىنىڭ بۇرىنعى ۆيسە-مينيسترى ولجاس ابىشيەۆكە قاتىستى سوتقا دەيىنگى تەرگەۋدى اياقتاعانى بەلگىلى بولدى.
