قمگ جۇمىس توبى «ٶزەنمۇنايگاز» بەن جاڭاٶزەننٸڭ مەردٸگەر ۇيىمدارىندا بٸرقاتار زاڭ بۇزۋشىلىقتى انىقتادى
وسى ۋاقىت ارالىعىندا ونداعان بۇزۋشىلىق انىقتالدى, ولارعا الداعى ۋاقىتتا قۇقىقتىق باعا بەرٸلەدٸ.
جۇمىس توبىنىڭ جەتەكشٸسٸ, «قازمۇنايگاز» ۇك اق باسقارما تٶراعاسىنىڭ ورىنباسارى دەۋلەتجان حاسانوۆ انىقتالعان كەيبٸر بۇزۋشىلىقتار تۋرالى باياندادى.
د.حاسانوۆتىڭ ايتۋىنشا, «ٶزەنمۇنايگاز» كومپانيياسىندا جۇمىس ورىندارىنا كەلمەگەن قىزمەتكەرلەردٸ جۇمىسقا ورنالاستىرعان فاكتٸلەر انىقتالعان. وسىنداي جاعدايلاردىڭ بٸرٸ, اقتاۋلىق بەلگٸلٸ ايتىسكەر اقىن الدىمەن شتاتتا تەولوگ, كەيٸننەن قوعاممەن بايلانىس جٶنٸندەگٸ مامان قىزمەتٸن اتقارعان.
«كومپانييا شتاتىنا كەزەكتەن تىس نەمەسە بٸلٸكتٸلٸك تالاپتارىنا سەيكەس كەلمەيتٸن جەنە جٶندەۋمەن اينالىساتىن بٶلٸمشەلەردٸڭ ماماندىقتارى بويىنشا جەتكٸلٸكتٸ جۇمىس تەجٸريبەسٸ جوق ادامداردى جۇمىسقا قابىلداۋ فاكتٸلەرٸ بار», — دەپ قوستى ول.
جۇمىس توبىنىڭ جەتەكشٸسٸ اتاپ ٶتكەندەي, بٸرقاتار جٷك كٶلٸكتەرٸنٸڭ GPS دەرەكتەرٸن ۋاقىت كەستەلەرٸمەن سالىستىرعان كەزدە, دەرەكتەردٸڭ سەيكەس كەلمەگەنٸ انىقتالعان. «ياعني, اۆتوموبيلدەر ناقتى جٷرٸپ ٶتكەن ۋاقىت ارالىعىن تابەلدەردە اسىرا كٶرسەتكەن. تيٸسٸنشە, اتقارىلعان جۇمىس ٷشٸن تٶلەم دە اسىرا باعالاندى», — دەپ اتاپ ٶتتٸ د.حاسانوۆ.
سونداي-اق, جۇمىس توبى مۇناي ٶندٸرەتٸن جابدىقتى جالعا الۋ قىزمەتٸ بٸرنەشە ەسە جوعارى باعاعا كٶرسەتٸلگەن جاعدايدى انىقتادى. وسىلايشا, سەرۆيس كٶرسەتەتٸن كومپانييالاردىڭ بٸرٸ «ٶزەنمۇنايگازعا» ەمبەباپ ەلەكتر ورتالىقتان تەپكٸش سورعىنى تەۋلٸگٸنە ۇڭعىماعا 96 مىڭ تەڭگە باعامەن جالعا بەرگەن. ٶڭٸردەگٸ باسقا مۇناي ٶندٸرۋشٸ كومپانييانىڭ دەل وسىنداي سورعىنى جالعا بەرۋ باعاسى بۇدان 2 ەسە ارزان, اتاپ ايتقاندا تەۋلٸگٸنە ۇڭعىماعا 39,7 مىڭ تەڭگە.
قمگ باسقارما تٶراعاسىنىڭ ورىنباسارى ساتىپ الۋ سالاسىنان تاعى بٸر مىسال كەلتٸردٸ. اتاپ ايتقاندا, ٶمگ ۇڭعىمالاردى جٶندەۋگە ارنالعان 14 دانا كٶتەرگٸش اگرەگات ساتىپ الدى. مەمٸلەنٸڭ جالپى سوماسى 1,5 ملرد تەڭگەدەن اسقان. جەتكٸزۋ مەرزٸمٸ — 2022 جىلدىڭ 31 جەلتوقسانى. تەكسەرۋ بارىسىندا كٶرسەتٸلگەن مەرزٸمدە 14 اگرەگاتتىڭ بٸرەۋٸ عانا جەتكٸزٸلگەنٸ انىقتالدى. ەسەپ بەرۋ قۇجاتتاماسىندا ول جاڭا دەپ كٶرسەتٸلگەن. الايدا, تەكسەرٸس نەتيجەسٸندە ونىڭ كومپونەنتتەرٸ ەلدەقاشان ەسكٸرگەنٸ, كٶپتەگەن بٶلشەكتەرٸنٸڭ جوق ەكەنٸ, قۋات كونسترۋكتسييالارى پايدالانۋ ٷشٸن قاۋٸپتٸ ەكەنٸ انىقتالدى. مۇنى جاسىرۋ ٷشٸن توت باسقان كورپۋسى مەن شاسسيدٸڭ مەتالل كونسترۋكتسييالارى قارا تٷسكە بويالعان.
جۇمىس توبى ٶندٸرٸستٸك جەنە ەكولوگييالىق قاۋٸپسٸزدٸك نورمالارىن بۇزعان جاعدايلاردى جويۋ ٷشٸن ٶمگ مەن مۇناي سەرۆيس كومپانييالارىنا ۇسىنىستار مەن تاپسىرمالار بەردٸ. مىسالى, بٸرقاتار نىساندا عيماراتتار مەن قۇرىلىستار بويىنشا جوبالاۋ قۇجاتتارى جوق, جەلدەتۋ جٷيەسٸ قاۋٸپسٸزدٸك تەحنيكاسىنىڭ تالاپتارىنا سەيكەس كەلمەيدٸ. ۇڭعىمالاردى جٶندەۋ جۇمىستارى كەزٸندە ەكولوگييالىق نورمالار ساقتالمايدى, ونىڭ ٸشٸندە ۇڭعىمالاردى جەراستى جەنە كٷردەلٸ جٶندەۋ كەزٸندە قورعانىش پلەنكالارى جوق, ٷيٸندٸلەر قويما رەتٸندە پايدالانىلادى, لاستانعان توپىراق ۋاقتىلى الىنبايدى.
د.حاسانوۆ جاڭاٶزەن كەسٸپورىندارى قىزمەتكەرلەرٸنٸڭ شاعىمدارىن تەكسەرۋ مەسەلەسٸنە جەكە توقتالدى. بەلگٸلٸ بولعانداي, ٶمگ-نٸڭ كەيبٸر مەردٸگەر ۇيىمدارىندا زەينەتاقى اۋدارىمدارىن 2-3 ايعا كەشٸكتٸرگەن جاعدايلار بار, كٶلٸك قىزمەتٸن ۇسىناتىن مەردٸگەر ۇيىمداردىڭ قىزمەتكەرلەرٸ ارنايى كيٸممەن جەنە تاماقپەن قامتاماسىز ەتٸلمەيدٸ, ٷستەمە جۇمىس ۋاقىتى اسىپ كەتكەن جاعدايلار تٸركەلگەن. ەربٸر اتالعان فاكتٸ بويىنشا تيٸستٸ شارالار قابىلداناتىن بولادى.
«جالپى, جۇمىس جالعاسادى. بۇل انىقتالعان جەرگٸلٸكتٸ بۇزۋشىلىقتاردىڭ كەيبٸر مىسالى عانا. جاڭا فاكتٸلەر تۋرالى بٸز جۇرتشىلىقتى حاباردار ەتٸپ وتىرامىز. انىقتالعان بۇزۋشىلىقتاردىڭ ەربٸر تارماعى بويىنشا قۇقىقتىق باعا بەرٸلەتٸن بولادى. بارلىق جاۋاپتىلار قۇقىق بۇزۋشىلىقتاردىڭ اۋىرلىعىنا بايلانىستى جازالانادى. تيٸستٸ قۇجاتتاردى قۇقىق قورعاۋ ورگاندارىنا تاپسىرامىز», — دەپ تٷيٸندەدٸ د.حاسانوۆ.
