ازامات قالدىبەكوۆ باسقا جۇمىسقا اۋىسۋىنا بايلانىستى الماتى قالاسى ەكٸمٸنٸڭ ورىنباسارى قىزمەتٸنەن بوساتىلدى, دەپ حابارلايدى Dalanews.kz
قالالىق ەكٸمدٸكتٸڭ مەلٸمەتٸنشە, ول بۇل قىزمەتتەگٸ جۇمىسىن 29 قازاندا اياقتاعان. قالدىبەكوۆ ٸشكٸ ساياسات, مەدەنيەت, سپورت, بٸلٸم, جاستار ساياساتى جەنە دٸن مەسەلەلەرٸنە جەتەكشٸلٸك ەتكەن.
ونىڭ ورنىنا بۇعان دەيٸن قر پرەزيدەنتٸ ەكٸمشٸلٸگٸنٸڭ ٸشكٸ ساياسات بٶلٸمٸن باسقارعان ابزال نٷكەنوۆ تاعايىندالدى.
الماتى ەكٸمدٸگٸندەگٸ سەنٸمدٸ دەرەككٶزدٸڭ حابارلاۋىنشا, ازامات قالدىبەكوۆ بوستاندىق اۋدانىنىڭ ەكٸمٸ بولىپ تاعايىندالۋى مٷمكٸن.
ەسكە سالايىق, ازامات قالدىبەكوۆ 2024 جىلدىڭ شٸلدە ايىنان بەرٸ الماتى قالاسى ەكٸمٸنٸڭ ورىنباسارى قىزمەتٸن اتقاردى. بۇعان دەيٸن, 2020 جىلدىڭ قاڭتارىنان باستاپ مەگاپوليستٸڭ الاتاۋ اۋدانىنىڭ ەكٸمٸ بولعان.
ازامات قالدىبەكوۆ 1984 جىلى دٷنيەگە كەلگەن. ەل-فارابي اتىنداعى قازاق ۇلتتىق ۋنيۆەرسيتەتٸن «حالىقارالىق قۇقىق» ماماندىعى بويىنشا تەمامداعان. «بولاشاق» باعدارلاماسى ارقىلى اقش-تىڭ سولتٷستٸك كارولينا شتاتىنداعى ديۋك ۋنيۆەرسيتەتٸندە قۇقىق ماگيسترٸ دەرەجەسٸن العان.
ەڭبەك جولىن 2007 جىلى الماتى قالاسى بوستاندىق اۋداندىق №2 سوتىندا جەتەكشٸ مامان قىزمەتٸنەن باستاعان. ەر جىلدارى قر ۇلتتىق بانكٸندە, «سامۇرىق-قازىنا» اق مەن «ازاماتتارعا ارنالعان ٷكٸمەت» مەملەكەتتٸك كورپوراتسيياسىندا ەڭبەك ەتكەن.
2018 جىلى الماتى قالاسى ەكٸمٸ اپپاراتىنىڭ باس ينسپەكتورى قىزمەتٸن اتقاردى. سول جىلى شٸلدەدەن 2019 جىلدىڭ ناۋرىزىنا دەيٸن جەتٸسۋ اۋدانى ەكٸمٸنٸڭ اپپاراتىنىڭ باسشىسى بولدى. 2019 جىلى پرەزيدەنتتٸك جاستار كادر رەزەرۆٸنە ەنگەن.
