ايتبەك امانگەلدى سىنىپتاستارى جەزوكشەلىكپەن اينالىسۋعا ماجبۇرلەگەن 16 جاستاعى وقۋشى قىزعا 18 ميلليون تەڭگەگە جۋىق قارجى جيناپ بەردى، - دەپ حابارلايدى Dalanews.kz.
بۇل تۋرالى مارقۇم سالتانات نۇكەنوۆانىڭ اعاسى الەۋمەتتىك جەلىدەگى پاراقشاسىندا ايتتى.
"بۇعان دەيىن وقۋشىعا كومەك رەتىندە اقشا جيناعان بولاتىنبىز، قارجى قىزدىڭ اپكەسىنە ايداعا جىبەرىلدى.
اقشانى 14-17 تامىز ارالىعىندا جينادىق. قازىرگى تاڭدا اقشا جيناۋ توقتاتىلدى. ءبارىنىڭ ەسەبىن كورسەتەمىز. ەكى جارىم كۇننىڭ وزىندە 17 984 909 تەڭگە جينالدى"، - دەيدى ايتبەك امانگەلدى.
ول اقشا نە ءۇشىن جۇمسالعانىن كەز كەلگەن ادام قۇجاتتان كورە الاتىنىن جەتكىزدى.
"جينالعان قارجى نە ءۇشىن جۇمسالىپ جاتقانىن اشىق كورسەتۋ ءۇشىن ارنايى كەستە دايىندادىم. وقۋشى قىزدىڭ وتباسىنىڭ الدىندا كۇن سايىن كەستەنى تولتىرىپ، ونى قۇجاتقا سالىپ وتىرۋ مىندەتتەلدى. قۇجاتتى كەز كەلگەن ادام كورە الادى"، - دەيدى ايتبەك امانگەلدى.
ەسكە سالايىق، تامىزدىڭ باسىندا قىزىلوردادا سۇمدىق جايت بولعان ەدى. 16 جاستاعى وقۋشى قىزدى سىنىپتاستارى جەزوكشەلىكپەن اينالىسۋعا ماجبۇرلەگەن دەگەن حابار تارادى.
"نەمولچي" قورىنىڭ جەتەكشىسى دينا ءتاڭسارى 16 جاستاعى وقۋشىنى سىنىپتاستارى اقپاننان باستاپ تۋىستارىمەن جەزوكشەلىككە ساتقانىن، قىز - ءبىر ءۇيدىڭ جالعىزى ەكەنىن مالىمدەدى.قازىرگى تاڭدا وقۋشى قىزدىڭ ۇيىنە كۇزەت قويىلدى.
وسى ىسكە بايلانىستى وبلىستاعى جاۋاپتى ماماندار قىزمەتىنەن قۋىلدى.
