Aitbek Amangeldi synyptastary jezókshelikpen ainalysýǵa májbúrlegen 16 jastaǵy oqýshy qyzǵa 18 million teńgege jýyq qarjy jinap berdi, - dep habarlaidy Dalanews.kz.
Bul týraly marqum Saltanat Núkenovanyń aǵasy áleýmettik jelidegi paraqshasynda aitty.
"Buǵan deiin oqýshyǵa kómek retinde aqsha jinaǵan bolatynbyz, qarjy qyzdyń ápkesine Aidaǵa jiberildi.
Aqshany 14-17 tamyz aralyǵynda jinadyq. Qazirgi tańda aqsha jinaý toqtatyldy. Báriniń esebin kórsetemiz. Eki jarym kúnniń ózinde 17 984 909 teńge jinaldy", - deidi Aitbek Amangeldi.
Ol aqsha ne úshin jumsalǵanyn kez kelgen adam qujattan kóre alatynyn jetkizdi.
"Jinalǵan qarjy ne úshin jumsalyp jatqanyn ashyq kórsetý úshin arnaiy keste daiyndadym. Oqýshy qyzdyń otbasynyń aldynda kún saiyn kesteni toltyryp, ony qujatqa salyp otyrý mindetteldi. Qujatty kez kelgen adam kóre alady", - deidi Aitbek Amangeldi.
Eske salaiyq, tamyzdyń basynda Qyzylordada sumdyq jait bolǵan edi. 16 jastaǵy oqýshy qyzdy synyptastary jezókshelikpen ainalysýǵa májbúrlegen degen habar tarady.
"Nemolchi" qorynyń jetekshisi Dina Tańsári 16 jastaǵy oqýshyny synyptastary aqpannan bastap týystarymen jezókshelikke satqanyn, qyz - bir úidiń jalǵyzy ekenin málimdedi.Qazirgi tańda oqýshy qyzdyń úiine kúzet qoiyldy.
Osy iske bailanysty oblystaǵy jaýapty mamandar qyzmetinen qýyldy.
