- مۇستافا شوقاي – كەز-كەلگەن ٸرٸ تاريحي قۇبىلىس سەكٸلدٸ بٸرجاقتى سيپاتتاۋعا بولمايتىن, ٷيرەنشٸكتٸ قالىپقا سالۋعا كەلمەيتٸن تۇلعا. ول سول زامانداعى اسا كٷردەلٸ عالامدىق تاريحي پروتسەسستٸڭ بەل ورتاسىندا, ەپيتسەنترٸندە جٷرٸپ, تٷركٸ ەلەمٸنٸڭ, ٶز ۇلتىنىڭ مٷددەسٸن قورعاۋعا تىرىستى. سوندىقتان دا, مۇستافا شوقاي اق پەن قىزىلعا نەمەسە قوڭىرعا جاق, يا قارسى بولدى دەگەن قارابايىر تٷسٸنٸككە سىيمايدى. ول ٶزٸنٸڭ بٷكٸل عۇمىرىن, كٷللٸ قاجىر-قايراتى مەن اقىل-ويىن تۋعان حالقىنىڭ, تٷبٸ بٸر تۇتاس تٷركٸ جۇرتىنىڭ بٸرٸگٸپ ٶركەندەۋٸنە ارنادى
- دەدٸ وبلىس ەكٸمٸ ق.كٶشەرباەۆ.
سونداي-اق, سالتاناتتى شاراعا قر ۇعا اكادەميگٸ, ق.سەتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتٸنٸڭ پروفەسسورى دوسمۇحامبەت كٸشٸبەكوۆ, قازاق گۋمانيتارلىق زاڭ ۋنيۆەرسيتەتٸنٸڭ پروفەسسورى ەبدٸجەلەل بەكٸر, قر پارلامەنتٸ سەناتىنىڭ دەپۋتاتى مۇرات باقتييارۇلى قاتىستى. مۇنان سوڭ سالتاناتتى تٷردە ەسكەرتكٸش جامىلعىسى تٷسٸرٸلٸپ, گٷل شوقتارى قويىلدى.
ەسكەرتكٸش قازاقستان سۋرەتشٸلەر وداعىنىڭ مٷشەسٸ, مٷسٸنشٸ كٶشەر بايعازيەۆتٸڭ قولادان جاساعان تۋىندىسى. گرانيتتٸ تۇعىرىن قوسا ەسەپتەگەندە ەسكەرتكٸشتٸڭ جالپى بيٸكتٸگٸ – 12 مەتر.
وسى كٷنٸ قورقىت اتا اتىنداعى قىزىلوردا مەملەكەتتٸك ۋنيۆەرسيتەتٸندە «الاش» قوزعالىسىنىڭ 100 جىلدىعىنا ارنالعان «الاش مۇراسى جەنە تەۋەلسٸز قازاقستان» تاقىرىبىندا حالىقارالىق عىلىمي-تەورييالىق كونفەرەنتسييا ٶتتٸ. وعان قازاقستان, تٷركييا جەنە ٶزبەكستاننان الاش قايراتكەرلەرٸنٸڭ مۇرالارىن زەرتتەۋ جۇمىستارىمەن اينالىسىپ جٷرگەن بەلگٸلٸ تاريحشى عالىمدار قاتىستى.
