- Mustafa Shoqai – kez-kelgen iri tarihi qubylys sekildi birjaqty sipattaýǵa bolmaityn, úirenshikti qalypqa salýǵa kelmeitin tulǵa. Ol sol zamandaǵy asa kúrdeli ǵalamdyq tarihi protsesstiń bel ortasynda, epitsentrinde júrip, Túrki áleminiń, óz ultynyń múddesin qorǵaýǵa tyrysty. Sondyqtan da, Mustafa Shoqai aq pen qyzylǵa nemese qońyrǵa jaq, ia qarsy boldy degen qarabaiyr túsinikke syimaidy. Ol óziniń búkil ǵumyryn, kúlli qajyr-qairaty men aqyl-oiyn týǵan halqynyń, túbi bir tutas túrki jurtynyń birigip órkendeýine arnady
- dedi oblys ákimi Q.Kósherbaev.
Sondai-aq, saltanatty sharaǵa QR UǴA akademigi, Q.Sátbaev atyndaǵy Qazaq ulttyq tehnikalyq zertteý ýniversitetiniń professory Dosmuhambet Kishibekov, Qazaq gýmanitarlyq zań ýniversitetiniń professory Ábdijálel Bákir, QR Parlamenti Senatynyń depýtaty Murat Baqtiiaruly qatysty. Munan soń saltanatty túrde eskertkish jamylǵysy túsirilip, gúl shoqtary qoiyldy.
Eskertkish Qazaqstan Sýretshiler odaǵynyń múshesi, músinshi Kósher Baiǵazievtiń qoladan jasaǵan týyndysy. Granitti tuǵyryn qosa eseptegende eskertkishtiń jalpy biiktigi – 12 metr.
Osy kúni Qorqyt Ata atyndaǵy Qyzylorda memlekettik ýniversitetinde «Alash» qozǵalysynyń 100 jyldyǵyna arnalǵan «Alash murasy jáne Táýelsiz Qazaqstan» taqyrybynda halyqaralyq ǵylymi-teoriialyq konferentsiia ótti. Oǵan Qazaqstan, Túrkiia jáne Ózbekstannan Alash qairatkerleriniń muralaryn zertteý jumystarymen ainalysyp júrgen belgili tarihshy ǵalymdar qatysty.
