جەتٸسۋ وبلىسى, قىزىلاعاش اۋىلىندا سۋ تاسقىنىنان كەيٸن سالىنعان ٷيلەرگە بايلانىستى داۋ شىقتى. اۋىل تۇرعىندارى بۇرىنعى ەكٸمدٸ كوممۋنالدىق باسپانانى زاڭسىز يەمدەندٸ دەپ ايىپتاۋدا, دەپ حابارلايدى Dalanews.kz 31-ارنانىڭ ينفورمبيۋرو باعدارلاماسىنا سٸلتەمە جاساپ.
اپاتتان كەيٸن سالىنعان 12 ٷي مەملەكەتتٸك تۇرعىن ٷي قورىنا الىنعان. ولاردىڭ بٸرٸ – سمايىلحان جايسانۇلى كٶشەسٸندەگٸ 6-ٷي. تۇرعىندار بۇل ٷيدە جاس ماماندار تۇرعانىن ايتادى, الايدا 2017 جىلى باسپانا يەسٸز دەپ تانىلىپ, كەيٸن شەنەۋنٸكتٸڭ تۋىسى جەكەشەلەندٸرٸپ العان.
اۋىل تۇرعىنى سەۋلە ەميتوۆا شەنەۋنٸكتٸڭ سوتتى الداپ, ٷيدٸ ٶز تۋىسىنا اۋدارىپ العانىن مەلٸمدەدٸ. ونىڭ ايتۋىنشا, بۇل زاڭسىزدىققا بايلانىستى تۇرعىندار نارازىلىق بٸلدٸرٸپ, مەسەلەنٸ كٶتەرگەن.
“جالعان اقپارات بەرٸپ, سوتتى الداپ, باسىنا اۋدارىپ العان. سول ٷشٸن بٸز شۋلاعانبىز. ول قۇجاتتى قايتالاپ جاساپ, سول ٷيگە كٸرگەننەن كەيٸن اپاسىنىڭ اتىنا اۋدارىپ العان. سوت شەشٸمٸ بۇزىلماعان. سوت شەشٸمٸ بۇزىلماسا, ەرتەڭ كەتەدٸ. قولحات ۋاقىتى بٸتكەننەن كەيٸن ول ٷي قايتادان باسىنا قالادى”, – دەدٸ قىزىلاعاش اۋىلىنىڭ تۇرعىنى سەۋلە ەميتوۆا.
اۋىل تۇرعىندارى شەنەۋنٸكتٸڭ بۇل ٷيگە ەش قاتىسى جوق ەكەنٸن ايتادى. سەبەبٸ 2010 جىلعى اپاتقا دەيٸن ٶزٸ دە, تۋىستارى دا قىزىلاعاشتا تۇرماعان. بۇل دەرەكتٸ قازٸرگٸ ەكٸم دە راستايدى.
“2015-2016 جىلدار ارالىعىندا سول ٷي ساميحوۆ ايدارعا مەملەكەتتٸك قىزمەتكەر رەتٸندە بەرٸلدٸ. كەيٸن اپاسى پايدا بولدى. قانداي امالمەن ٶزدەرٸنٸڭ جەكەمەنشٸگٸنە اۋدارعانىن بٸلمەيمٸن. بٸراق سوت شەشٸمٸ بار. قازٸر ساميحوۆا سول ٷيدٸ ٶزٸنٸڭ جەكە مەنشٸگٸنە اۋدارۋ تۋرالى سوت پروتسەسٸ جٷرٸپ جاتىر”, – دەپ مەلٸمدەدٸ قىزىلاعاش اۋىلدىق وكرۋگٸنٸڭ ەكٸمٸ نۇرلان دوسماقوۆ.
قازٸرگٸ تاڭدا بۇل ٷيگە قاتىستى سوت پروتسەستەرٸ جٷرٸپ جاتىر. سونىمەن قاتار اۋىلداعى تاعى 11 ٷي كوممۋنالدىق مەنشٸكتە قالىپ, تۇرعىندار ولاردى جەكەشەلەندٸرە الماي جٷر. جەرگٸلٸكتٸ بيلٸك ٷيلەردٸ اۋداندىق تۇرعىن ٷي-كوممۋنالدىق شارۋاشىلىعىنىڭ بالانسىنا الۋدى جوسپارلاپ وتىر, بٸراق جەكەشەلەندٸرۋدٸڭ تالاپتارى بار.
تۇرعىندار ٷيلەردٸ تەگٸن العىسى كەلەدٸ, بٸراق زاڭ بويىنشا تەك 1-2 توپتاعى مٷگەدەكتەر مەن ۇوس ارداگەرلەرٸنە ٷيلەر تەگٸن بەرٸلۋٸ مٷمكٸن, ال قالعان ازاماتتار ٷيلەردٸ قالدىق قۇنىمەن ساتىپ الۋى تيٸس.
اۋىل تۇرعىنى اقمارال قابيمولدينوۆا تۇرعىنداردىڭ ٷيلەردٸ ساتىپ الۋعا قاراجاتى جەتپەيتٸنٸن ايتىپ, تەگٸن بەرۋدٸ تالاپ ەتتٸ.
داۋعا اينالعان ٷيدٸڭ بولاشاعى الداعى سوت وتىرىسىندا شەشٸلمەك.
