كۋرس بارىسىندا قىتايتانۋ كافەدراسىنىڭ بەلگىلى قىتايتانۋشى عالىمدارىمەن قاتار، سۇلەيمەنوۆ اتىنداعى شىعىستانۋ ينستيتۋتى سەكىلدى عىلىمي-زەرتتەۋ ورتالىقتارىنىڭ دا عىلىمي قىزمەتكەرلەرى ءدارىس وقىپ، ءوز بىلىمىمەن، وسى سالادا بولىپ جاتقان سوڭعى عىلىمي جاڭالىقتارمەن ءبولىستى. لەكتورلاردىڭ ءار ساباعى تىڭداۋشىلار تاراپىنان ۇلكەن قىزىعۋشىلىق تۋدىردى، ساباق سوڭى سۇراق-جاۋاپقا ۇلاسىپ، ديسكۋسسيالىق ادىسپەن جالعاسىن تاۋىپ وتىردى. كۋرس جۇمىسىنداعى مۇنداي بەلسەندىلىكتى ۇسىنىلعان تاقىرىپتاردىڭ ءار الۋاندىعىمەن، وزەكتىلىگىمەن تۇسىندىرۋگە بولادى. اتاپ ايتقاندا، لەكتورلارىمىز ن. مۇقامەتحان ۇلى، ن.ءا. الدابەك، س.ج. ساپانوۆ، ا. سەرىكقالييەۆا، گ.احمەتبەك، سونداي-اق، شىعىستانۋ ينستيتۋتىنىڭ عالىمدارى وشان جانىمحان، ل.گ.ەرەكەشيەۆالار وقىعان جۇڭگو ەلىنىڭ تاريحى مەن مادەني قۇندىلىقتارى جايىنداعى، قحر قۇرىلىمدىق جۇيەسىندەگى ەرەكشەلىكتەر مەن قاۋىپسىزدىك قۇرىلىمدارىنا قاتىستى، قىتايدىڭ سىرتقى ساياساتى، ونىڭ ىشىندە قازاقستان مەن ورتا ازيا ەلدەرىمەن اراداعى ديپلوماتيالىق بايلانىستارى جونىندەگى لەكسيالارى تىڭداۋشىلاردىڭ كوڭىلىنەن شىقتى. سوڭعى كەزدە حالىقارالىق دەڭگەيدە ءجيى ايتىلىپ جۇرگەن ماسەلە «ءبىر بەلدەۋ-بىر جول» تاقىرىبى دا كۋرس جۇمىسىنىڭ نازارىنان تىس قالمادى. ال قىتايدىڭ ۋحان ۋنيۆەرسيتەتىنەن كەلگەن پروفەسسور ساو ءياسيۋننىڭ «قحر-دىڭ سىرتقى ساياساتتاعى باسىم باعىتتارى جانە قازاقستان مەن ورتالىق ازيا ەلدەرىمەن ديپلوماتيالىق قاتىناستارىنىڭ دامۋى» تاقىرىبىنداعى لەكسياسى وسى ماسەلەگە جۇڭگو ۇلتى وكىلىنىڭ كوزقاراسى مەن عىلىمي تۇجىرىمى تۇرعىسىنان ەرەكشە قىزىعۋشىلىق تۋدىردى.
كۋرس جۇمىسى بيىل ەكىنشى رەت وتكىزىلىپ وتىر. وسى جولعى كۋرسقا قاتىسۋعا نيەت بىلدىرگەندەردىڭ سانىنا قاراپ «قىتايتانۋ نەگىزدەرى» كۋرسىنىڭ قىتايتانۋشىلار اراسىندا تانىمال بولا تۇسكەندىگىن، كوتەرگەن ماسەلەلەرىنىڭ ومىرشەڭدىگىن كورۋگە بولادى. وسى تۇرعىدان العاندا، كۋرس جۇمىسى ءوز مىندەتتەرىن تولىق ورىنداپ، الدىنا قويعان ماقساتىنا جەتتى دەپ سەنىممەن ايتۋعا بولادى.
كۋرس سوڭىندا تىڭداۋشىلارعا سالتاناتتى جاعدايدا سەرتيفيكاتتار تابىس ەتىلدى، تىڭداۋشىلار ءوز كەزەگىندە ءبىر اۋىزدان كۋرس جۇمىسىن ۇيىمداستىرۋشىلارعا تابىس تىلەپ، جىل سايىن ءداستۇرلى تۇردە ءوز جالعاسىن تاباتىنىنا سەنىم ءبىلدىردى.
دانيار مادييەۆ، قىتايتانۋ كافەدراسىنىڭ اعا وقىتۋشىسى.
