پارلامەنت كوميتەتٸنٸڭ 25 مامىرداعى جينالىسىندا دەپۋتات كەلٸسٸمدٸ بۇزۋعا تەندەر ٶتكٸزۋ كەزٸندە ەرەجەنٸڭ بۇزىلۋى سەبەپ بولاتىنىن ايتتى. دەپۋتاتتىڭ مەلٸمدەۋٸنشە, قىتاي كومپانيياسى ٶتكٸزگەن التى بانكتٸڭ كەپٸلحاتىنىڭ ٷشەۋٸ جالعان بولىپ شىققان.
قىرعىزستاننىڭ ەسەپ پالاتاسى مەردٸگەر جوبانى جٷزەگە اسىرۋ ٷشٸن از قاراجات سۇراعانىن العا تارتتى.
– تەندەر 5 ملرد 700 ملن سومعا جارييالاندى. قىتاي كومپانيياسى 2 ملرد 700 ملن سومعا جاساپ بەرۋدٸ ۇسىندى, ياعني 3 ملرد 173 ملن سوم ٷنەمدەلەدٸ. ويلانتارلىق مەسەلە. ولارعا ايىپپۇلتان تٷسەتٸن تٶلەم قاجەت ەمەس. بۇل كومپانييانىڭ كامەرالارى اۆتوكٶلٸكتەردٸ عانا ەمەس, ونداعى ادامدارعا دەيٸن تانيدى, ‒ دەپ تٷسٸندٸردٸ رىسكەلدي مومبەكوۆ.
2019 جىلعى كەلٸسٸمگە سەيكەس, Shenzhen Sunwin Intelligent Co. Ltd كومپانيياسى جوبانى بٸر جىلدا اياقتاۋى تيٸس بولعان. بٸراق پاندەميياعا بايلانىستى ٸس جٷرمەي قالدى, سول سەبەپتٸ كەلٸسٸم 2020 جىلدىڭ اياعىندا 2021 جىلدىڭ 18 ماۋسىمىنا دەيٸن سوزىلعان.
20 مامىردا ارنايى قىزمەت تسيفرلى دامۋ مينيسترٸ ازامات دىيكانباەۆتى Shenzhen Sunwin Intelligent Co. Ltd كومپانيياسىنان كەلٸسٸم مەرزٸمٸن سوزۋ ٷشٸن 2 ملن 600 مىڭ سوم سۇراعانى ٷشٸن ۇستادى.
بۇرىنعى شەنەۋنٸك تاعىلعان ايىپتى جوققا شىعارىپ, ٸستٸڭ ساياسي استارى بارىن مەلٸمدەدٸ.
ەسكە سالايىق, «قاۋٸپسٸز قالانىڭ» ەكٸنشٸ كەزەڭٸ جەتٸ وبلىستى, بٸشكەك جەنە وش قالالارىن, وبلىستىق جەنە اۋداندىق ماڭىزى بار 15 قالانى, 73 ەلدٸ مەكەندٸ قامتيتى. جوبانىڭ بٸرٸنشٸ كەزەڭٸن رەسەيدٸڭ "ۆەگا" كونتسەرنٸ جٷزەگە اسىرعان.
