Parlament komitetiniń 25 mamyrdaǵy jinalysynda depýtat kelisimdi buzýǵa tender ótkizý kezinde erejeniń buzylýy sebep bolatynyn aitty. Depýtattyń málimdeýinshe, qytai kompaniiasy ótkizgen alty banktiń kepilhatynyń úsheýi jalǵan bolyp shyqqan.
Qyrǵyzstannyń Esep palatasy merdiger jobany júzege asyrý úshin az qarajat suraǵanyn alǵa tartty.
– Tender 5 mlrd 700 mln somǵa jariialandy. Qytai kompaniiasy 2 mlrd 700 mln somǵa jasap berýdi usyndy, iaǵni 3 mlrd 173 mln som únemdeledi. Oilantarlyq másele. Olarǵa aiyppultan túsetin tólem qajet emes. Bul kompaniianyń kameralary avtokólikterdi ǵana emes, ondaǵy adamdarǵa deiin tanidy, ‒ dep túsindirdi Ryskeldi Mombekov.
2019 jylǵy kelisimge sáikes, Shenzhen Sunwin Intelligent Co. Ltd kompaniiasy jobany bir jylda aiaqtaýy tiis bolǵan. Biraq pandemiiaǵa bailanysty is júrmei qaldy, sol sebepti kelisim 2020 jyldyń aiaǵynda 2021 jyldyń 18 maýsymyna deiin sozylǵan.
20 mamyrda arnaiy qyzmet tsifrly damý ministri Azamat Dyikanbaevty Shenzhen Sunwin Intelligent Co. Ltd kompaniiasynan kelisim merzimin sozý úshin 2 mln 600 myń som suraǵany úshin ustady.
Burynǵy sheneýnik taǵylǵan aiypty joqqa shyǵaryp, istiń saiasi astary baryn málimdedi.
Eske salaiyq, «Qaýipsiz qalanyń» ekinshi kezeńi jeti oblysty, Bishkek jáne Osh qalalaryn, oblystyq jáne aýdandyq mańyzy bar 15 qalany, 73 eldi mekendi qamtity. Jobanyń birinshi kezeńin Reseidiń "Vega" kontserni júzege asyrǵan.
