مۇنداي دەرەكتى ق ر اقپارات جانە قوعامدىق دامۋ ءمينيسترى داۋرەن ابايەۆ كەلتىردى، – دەپ حابارلايدى Dalanews.kz قازاقپاراتقا سىلتەمە جاساپ.
– شىنىندا دا، قىتايدا تاراعان ۆيرۋس تاقىرىبى وتە رەزونانستى سيپاتقا يە بولدى. ءبىزدىڭ ازاماتتاردىڭ الاڭداۋىن تۇسىنۋگە بولادى. بۇگىن دەنساۋلىق ساقتاۋ مينيسترلىگى باسپا ءسوز ءماسليحاتىن وتكىزىپ، جۇرگىزىلگەن الدىن الۋ شارالارى تۋرالى ناقتى ايتىلدى. شەكاراداعى باقىلاۋ كۇشەيتىلدى. ءبىزدىڭ ەلشىلىك پەن كونسۋلدىق سونداعى ازاماتتارمەن بايلانىستا. شەكاراداعى وتكىزۋ پۋنكتەرىندە ءبارى دە كونتاكتسىز تەرموميتريادان وتەدى. بورتسەرىكتەرمەن، جولاۋشىلار پويىزىنىڭ جولسەرىكتەرىمەن پروفيلاكتيكالىق شارالار جۇرگىزىلۋدە. قىتايعا بارا جاتقاندار ءۇشىن ارنايى جادىناما دايىندالدى، – دەدى مينيستر «اشىق ديالوگ» باعدارلاماسىندا.
داۋرەن ابايەۆتىڭ كەلتىرگەن دەرەگىنە سايكەس، شەكارادا ءقازىردىڭ وزىندە 15 مىڭعا تارتا ازامات تەكسەرىلگەن. «اۋرۋ بەلگىلەرى ول تەكسەرۋلەردە انىقتالعان جوق. البەتتە، ءبارى دە جاعدايدى باقىلاۋدا ۇستاپ وتىر» دەدى داۋرەن ابايەۆ.
ەسكە سالا كەتسەك، بۇگىن ورتالىق كوممۋنيكاسيالار ورتالىعىندا وتكەن بريفينگتە ق ر دەنساۋلىق ساقتاۋ مينيسترلىگى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتى ءتوراعاسىنىڭ ورىنباسارى جانداربەك بەكشين قىتايدا ءورشىپ جاتقان كوروناۆيرۋس قازاقستان اۋماعىندا تىركەلمەگەنىن ءمالىم ەتكەن ەدى.
