استانادا شانحاي ىنتىماقتاستىق ۇيىمىنىڭ سامميتٸ باستالدى. نەگٸزگٸ شارا بٷگٸن, 4 شٸلدەدە ٶتۋدە. ال ەڭ العاشقى كٷنٸ اقپاراتتىق الاڭدا قىتايلىق تاراپ كٶزدەن تٷسپەدٸ. شەتەلدٸك Deutsche Welle باسىلىمى استانادا ٶتٸپ جاتقان سامميتكە ساراپتاما جاساعان, - دەپ حابارلايدى Dalanews.kz.
قىتاي تٶراعاسى سي تسزينپين باستاعان قىتايلىق دەلەگاتسييا تٶرت Boeing ەۋەلاينەرٸمەن كەلگەن. قىتاي تاراپى استاناعا شىۇ-عا مٷشە ٶزگە ەلدەردەن ەرتەرەك كەلدٸ. سي تسزينپيندٸ قازاقستان باسشىسى قاسىم-جومارت توقاەۆ ٶزٸ ەۋەجايدان كٷتٸپ العان بولاتىن.
"قىتاي قازاقستاننىڭ ەڭ ٸرٸ ساۋدا سەرٸكتەسٸنە اينالعان - ٶتكەن جىلى ەلدەر اراسىنداعى تاۋار اينالىمى 41 ملرد دوللارعا جەتكەن (سالىستىرمالى تٷردە 2023 جىلى رەسەي مەن قازاقستاننىڭ تاۋار اينالىمى 30 ملرد دوللار بولعان), ال قازاقستان-قىتاي دوستىعى بۇرىنعىدان دا نىعايا تٷسكەن. "بٸزدٸڭ قىتايمەن قارىم-قاتىناسىمىز تاتۋ كٶرشٸلٸك, دوستىق جەنە جان-جاقتى ستراتەگييالىق سەرٸكتەستٸك قاعيداتتارىنا نەگٸزدەلگەن. بٸز ولاردى ەكٸ ەلدٸڭ ورتاق قۇندىلىقتارى مەن بٸرتۇتاس ۇستانىمى رەتٸندە قاراستىراتىنىمىزدى اتاپ ٶتكٸم كەلەدٸ", - دەدٸ قازاقستان پرەزيدەنتٸ توقاەۆ استانادا ٶتكەن باق بريفينگٸندە" دەپ جازىلعان Deutsche Welle ماتەريالىندا.
باسىلىم سي تسزينپين قازاقستان بيلٸگٸنٸڭ اسپان استى ەلٸمەن بارىنشا ساۋدا-ەكونوميكالىق, تٸپتٸ ساياسي جاقىنداسۋعا ۇمتىلۋىن قولدايتىنىن اتاپ ٶتكەن.
"بٸز "بٸر بەلدەۋ, بٸر جول" باستاماسى اياسىندا تيٸمدٸ ٶزارا ٸس-قيمىلدى جٷزەگە اسىراتىن بولامىز. جاڭا ماقسات قويىلدى-تاۋار اينالىمىن قىسقا مەرزٸمدە ەكٸ ەسەگە ارتتىرۋ, ساۋدا - ەكونوميكالىق ىنتىماقتاستىق باعدارلاماسى بويىنشا جول كارتاسىن بەلسەندٸ تٷردە ٸسكە اسىراتىن بولامىز, ترانسكاسپيي حالىقارالىق كٶلٸك باعىتى مەن ەلدەرٸمٸز اراسىنداعى ٷشٸنشٸ ترانسشەكارالىق تەمٸر جول قۇرىلىسىن جەدەلدەتەمٸز", - دەپ اتاپ ٶتتٸ قحر تٶراعاسى.
جالپى قىتايلىق باسشى استانادا "سۇرانىسقا يە" بولعان. سەبەبٸ العاشقى كٷنٸ ەلگە كەلگەن سوڭ پرەزيدەنت توقاەۆپەن كەزدەسكەننەن كەيٸن ول ٶزبەكستان پرەزيدەنتٸ شاۆكات ميرزيەەۆپەن,ەزەربايجان پرەزيدەنتٸ يلحام ەليەۆپەن جەنە قىرعىزستان پرەزيدەنتٸ سادىر جاپاروۆپەن كەزدەستٸ.
3 شٸلدەدە كەشكٸ ۋاقىتتا سي تسزينپين رف باسشىسى ۆلاديمير پۋتينمەن كەزدەسۋگە ۋاقىت تاپقان.
"استاناداعى سامميت شانحاي ىنتىماقتاستىق ۇيىمىنىڭ بيىلعى ماڭىزدى وقيعاسى بولماق. شىۇ-نى نىعايتۋ تاقىرىبىندا سٸزدەرمەن جەنە باسقا دا ەرٸپتەستەرٸمٸزبەن ەڭ جان-جاقتى ەڭگٸمە ٶتكٸزۋگە دايىن" دەدٸ سي تسزينپين پۋتينمەن كەزدەسۋدە.
شەتەلدٸك باق استاناداعى سامميتكە بۇۇ باس حاتشىسى انتونيۋ گۋتتەريشتٸڭ دە كەلۋٸنە نازار اۋدارعان. ول قىتايلىق باسشىمەن دە كەزدەسۋٸ مٷمكٸن.
