Astanada Shanhai yntymaqtastyq uiymynyń sammiti bastaldy. Negizgi shara búgin, 4 shildede ótýde. Al eń alǵashqy kúni aqparattyq alańda qytailyq tarap kózden túspedi. Sheteldik Deutsche Welle basylymy Astanada ótip jatqan sammitke saraptama jasaǵan, - dep habarlaidy Dalanews.kz.
Qytai tóraǵasy Si Tszinpin bastaǵan qytailyq delegatsiia tórt Boeing áýelainerimen kelgen. Qytai tarapy Astanaǵa ShYU-ǵa múshe ózge elderden erterek keldi. Si Tszinpindi Qazaqstan basshysy Qasym-Jomart Toqaev ózi áýejaidan kútip alǵan bolatyn.
"Qytai Qazaqstannyń eń iri saýda seriktesine ainalǵan - ótken jyly elder arasyndaǵy taýar ainalymy 41 mlrd dollarǵa jetken (salystyrmaly túrde 2023 jyly Resei men Qazaqstannyń taýar ainalymy 30 mlrd dollar bolǵan), al Qazaqstan-Qytai dostyǵy burynǵydan da nyǵaia túsken. "Bizdiń Qytaimen qarym-qatynasymyz tatý kórshilik, dostyq jáne jan-jaqty strategiialyq seriktestik qaǵidattaryna negizdelgen. Biz olardy eki eldiń ortaq qundylyqtary men birtutas ustanymy retinde qarastyratynymyzdy atap ótkim keledi", - dedi Qazaqstan Prezidenti Toqaev Astanada ótken BAQ brifinginde" dep jazylǵan Deutsche Welle materialynda.
Basylym Si Tszinpin Qazaqstan biliginiń Aspan asty elimen barynsha saýda-ekonomikalyq, tipti saiasi jaqyndasýǵa umtylýyn qoldaitynyn atap ótken.
"Biz "Bir beldeý, bir jol" bastamasy aiasynda tiimdi ózara is-qimyldy júzege asyratyn bolamyz. Jańa maqsat qoiyldy-taýar ainalymyn qysqa merzimde eki esege arttyrý, saýda - ekonomikalyq yntymaqtastyq baǵdarlamasy boiynsha Jol kartasyn belsendi túrde iske asyratyn bolamyz, Transkaspii halyqaralyq kólik baǵyty men elderimiz arasyndaǵy úshinshi transshekaralyq temir jol qurylysyn jedeldetemiz", - dep atap ótti QHR tóraǵasy.
Jalpy qytailyq basshy Astanada "suranysqa ie" bolǵan. Sebebi alǵashqy kúni elge kelgen soń prezident Toqaevpen kezdeskennen keiin ol Ózbekstan prezidenti Shavkat Mirzieevpen,Ázerbaijan prezidenti Ilham Álievpen jáne Qyrǵyzstan Prezidenti Sadyr Japarovpen kezdesti.
3 shildede keshki ýaqytta Si Tszinpin RF basshysy Vladimir Pýtinmen kezdesýge ýaqyt tapqan.
"Astanadaǵy sammit Shanhai Yntymaqtastyq Uiymynyń biylǵy mańyzdy oqiǵasy bolmaq. ShYU-ny nyǵaitý taqyrybynda sizdermen jáne basqa da áriptesterimizben eń jan-jaqty áńgime ótkizýge daiyn" dedi Si Tszinpin Pýtinmen kezdesýde.
Sheteldik BAQ Astanadaǵy sammitke BUU bas hatshysy Antoniý Gýtterishtiń de kelýine nazar aýdarǵan. Ol qytailyq basshymen de kezdesýi múmkin.
