«Air Astana» كومپانياسىنىڭ اۋە بيلەتتەرىن ساتىپ العان قىتايلىق تۋريستەر پايدالانىلعان اۋە بيلەتتەرىن ەكسپو-2017 كورمەسىنىڭ بيلەتىنە ايىرباستاي الادى. ودان بولەك، ءبىزدىڭ ەلشىلىكتىڭ كونسۋلدىق ءبولىمى تۋريستىك ماقساتتا، سونىڭ ىشىندە ەكسپو-2017 كورۋ ءۇشىن قازاقستانعا بارعىسى كەلگەندەر ءۇشىن ارنايى تەرەزە اشادى»، - دەدى ول ەكسپو-2017 قىتايلىق پاۆيلوندى تانىستىرۋ بارىسىندا.
ديپلومات 2015 جىلدىڭ جەلتوقسان ايىندا جۇڭگو ازاماتتارىنىڭ قازاقستانعا توپتىق ساپارىن وڭتايلاندىرۋ تۋرالى قازاقستان مەن جۇڭگو اراسىندا مەموراندۋمعا قول قويىلعانىن ەسكە سالدى. اتالعان مەموراندۋمعا سايكەس، قازاقستاننىڭ تۋريستىك كومپانياسى راسىمدەيتىن ۆيزالىق قولداۋى بار قىتايلىق تۋريستىك توپتارعا ۆيزا 5 جۇمىس كۇنى ىشىندە دايىن بولادى جانە جەكە قاتىسۋدى تالاپ ەتپەيدى.
«قازىرگى ۋاقىتتا قازاقستانداعى جۇڭگو ءتۋريزمى جىلى اياسىندا شارالار جوسپارى قۇرىلىپ جاتىر. قازاقستاننىڭ 60-تان استام تۋريستىك كومپانياسى قىتايلىق تۋريستىك توپتاردى قابىلداۋ قۇقىعىن الدى. ازىرگە ولار قىزمەت كورسەتۋ سالاسىنداعى جۇڭگو ءتىلىن بىلەتىن اكىمشىلەردى دايىندايتىن «China Friendly» باعدارلاماسى اياسىندا جۇڭگو ءتىلىن مەڭگەرگەن مامانداردى جيناقتاۋدا»، - دەدى ش.نۇرىشيەۆ.
ەلشىنىڭ ايتۋىنشا، قازاقستاندىق تاراپ ەكسپو-2017 قاتىستى 60-تان استام تۋريستىك باعىت ازىرلەدى.
«قازاقستان حالىق بانكى «UnionPay» تولەم جۇيەسىمەن كەلىسىم ورناتتى، سايكەسىنشە اتالعان بانك بانكوماتتارى «UnionPay» بانك كارتالارىن قابىلداي الادى جانە قىتايلىق كليەنتتەرگە جۇڭگو تىلىندە قىزمەت كورسەتە الادى»، - دەپ ەسكە سالدى قىتايداعى ق ر ەلشىسى.
