قىتايدىڭ ميللياردەرىنە جەر بەرۋدەن باس تارتقان اكىم

Dalanews 23 اقپ. 2017 02:47 421

الماتى وبلىسىنىڭ اكىمى اماندىق باتالوۆ كونستيتۋسيانىڭ 26-بابىنا ۇسىنىلعان وزگەرىستەرگە قاتىستى پىكىر ءبىلدىردى، – دەپ حابارلايدى Tengrinews.kz ءتىلشىسى.

وبلىس اكىمى حالىققا ەسەپ بەرۋ كەزدەسۋىندە شەكاراداعى جەرلەردى شەتەلدىكتەرگە بەرۋگە جول بەرۋگە بولمايتىنىن مالىمدەدى.

– قىزمەتكە تاعايىندالعانىمدا بولمەمە قىتايدىڭ ينۆەستور-ميللياردەرى كىردى. ول شەكارا ايماقتارىنداعى جەرلەردە ەگىن شارۋالىعىعىمەن اينالىسقىسى كەلدى. جارتىلاي شولگە اينالعان جەر ۋچاسكەسىنە ول ءوز قاراجاتىنان كوممۋنيكاسيا تارتىپ، شولدە «وازيس» جاساعىسى كەلدى. ءبىراق وسىنداي ستراتەگيالىق ايماقتى جەردى بەرۋگە بولا ما؟ بىردە-بىر سانتيمەتر جەردى شەتەلدىكتەرگە بەرمەيمىز. جەر ماسەلەسى ۇدايى باقىلاۋدا، – دەدى اماندىق باتالوۆ.

اكىمنىڭ ايتۋىنشا، بۇگىندە وبلىستا اۋىل شارۋاشىلىعى ماقساتتارىنداعى سەگىز ميلليون گەكتاردان اسا جەر بار.

ۇسىنىلعان
سوڭعى جاڭالىقتار