قازاقستان سىرتقى ٸستەر مينيسترلٸگٸنٸڭ رەسمي ٶكٸلٸ ايبەك سماديياروۆ "قىتاي پوليتسيياسى قازاقستان ازاماتىن ۇستاپ وتىر" دەپ باق-قا تاراعان اقپاراتقا بايلانىستى مەن-جايدى تٷسٸندٸردٸ, دەپ حابارلايدى Dalanews.kz تٸلشٸسٸ Ulysmedia.kz سايتىنا سٸلتەمە جاساپ.
ەسكە سالا كەتەيٸك, بۇعان دەيٸن باق-تا قىتايداعى تۋىستارىنا قىدىرىپ بارعان قازاقستان ازاماتى تۇرسىنەلٸ بەكدەۋلەت "قىتاي پوليتسيياسى قۇجاتىمدى تارىپ الىپ, بەرمەي وتىر" دەپ مەلٸمدەگەنٸن جازعان ەدٸ. ول قازاقستاننىڭ سىرتقى ٸستەر مينيسترلٸگٸنەن كٶمەك سۇراعان.
تۇرسىنەلٸنٸڭ سٶزٸنشە, پوليتسييا ونى تەرگەۋ بٶلٸمشەسٸنە اپارعان. بٸراق نە ٷشٸن ۇستاعانىن تٷسٸندٸرمەگەن.
– ول اقپاراتتى بٸلەم. بٸر قىزىعى, ول كٸسٸ قازاقستان ازاماتتىعىن العان. بٸراق بٸرنەشە جىل بۇرىن قىتاي ازاماتى بولعان كەزدە جول-كٶلٸك اپاتىنا تٷسكەن. بٸراق باسقا تاراپپەن پروبلەماسىن شەشپەي قازاقستانعا كەتٸپ قالعان. وسى جولى بارعاندا جەرگٸلٸكتٸ پوليتسييا وعان “وسى مەسەلەڭدٸ شەش, سودان كەيٸن ارى قاراي جٷرە بەرسەڭ بولادى” دەگەن. بٸراق بٸزدٸڭ كەيبٸر جۋرناليستەر بۇل مەسەلەنٸ ەكٸ ەل اراسىنداعى ۆيزاسىز رەجيم تٷككە دە تۇرمايدى, مٸنە بٸزدٸڭ ازاماتتاردى ۇستاپ جاتىر” دەپ بايبالام سالىپ ماقالا شىعارا باستادى. ەشقانداي دا پروبلەما جوق. ول كٸسٸ ٶز پروبلەماسىن شەشٸپ, داۋلاسقان باسقا تاراپپەن مەسەلەنٸ رەتتەگەننەن كەيٸن پاسپورتىن العاننان كەيٸن جٷرە بەرگەن. بٸردە-بٸر كٷن قاماۋعا الىنعان دا, وعان كٷش جۇمسالعان دا جوق. قازٸر ول قازاقستانعا قايتىپ كەلدٸ, – دەدٸ ايبەك سماديياروۆ سٸم-دە بٷگٸن ٶتكەن بريفينگ بارىسىندا.
ايبەك سماديياروۆ بۇرىن قىتاي ازاماتى بولعان قازاقستاندىقتاردىڭ كٶرشٸ ەلگە ۆيزاسىز رەجيممەن باراردىڭ الدىندا قانداي مەسەلەلەردٸ ەسكەرۋ كەرەكتٸگٸن ايتتى
– ەگەر قىتاي ازاماتى بولعان كەزدە قۇقىق بۇزۋ ەرەكەتٸڭٸز تٸركەلگەن بولسا, سونى شەشۋگە تىرىسىڭىزدار. باسقا ايتار ەشقانداي كەڭەس جوق, – دەدٸ سٸم رەسمي ٶكٸلٸ.
ايبەك سماديياروۆ ونداي مەلٸمەتتەردٸ قىتاي ەلشٸلٸگٸنەن بٸلۋگە بولاتىنىن ايتادى.
– ول مەلٸمەتتەردٸ سول جاقتاعى تۋىسقاندارى ارقىلى بٸلۋگە بولادى. ال بٸز ارقىلى بٸلە المايدى. نەمەسە قىتاي ەلشٸلٸگٸنە حابارلاسسىن. «مەنٸڭ قازاقستان ازاماتى رەتٸندە قىتاي اۋماعىنا كٸرۋگە رۇقساتىم بار ما? كەدەرگٸ بار ما?» - دەپ انىقتاپ بٸلسە, بولادى. ەيتپەسە بارعاننان كەيٸن عانا بٸلەدٸ, – دەدٸ ول.
