22 قاڭتاردا ورتالىق قىتايداعى ۋحان قالاسىندا وتكەن بريفينگتە كوميسسيا ديرەكتورىنىڭ ورىنباسارى لي بين جانۋارلاردى كىرگىزۋگە تىيىم سالىنعانىن مالىمدەدى. جاڭا ۆيرۋس وسى پروۆينسيادا تىركەلگەن. لي بين جاڭا ۆيرۋستى تاعى 149 ادام جۇقتىرعانىن حابارلادى. ول ۆيرۋس تەز تارالادى دەگەنگە دالەل جوق ەكەنىن ايتتى.
دەگەنمەن اۋرۋدىڭ الدىن الۋ جانە باقىلاۋ ورتالىعىنىڭ باس ديرەكتورى گاو فۋدىڭ ايتۋىنشا، جاڭا ۆيرۋس مۋتاسياعا ۇشىراپ، بەيىمدەلىپ جاتىر.
ءبىر كۇن بۇرىن جاڭا ۆيرۋس اقش-تا تىركەلگەنى حابارلاندى. 15 قاڭتاردا ۋحان قالاسىنان ۆاشينگتون شتاتىنا ورالعان ەر ازامات 19 قاڭتاردا دارىگەرلەرگە قارالعان. ءقازىر ونىڭ جاعدايى ءبىرقالىپتى.
22 قاڭتاردا جاڭا ۆيرۋستىڭ تارالۋى ماسەلەسىن دۇنيەجۇزى دەنساۋلىق ساقتاۋ ۇيىمى تالقىلايدى.
