21 qańtarda Qytai ulttyq densaýlyq saqtaý komissiiasynyń málimdeýinshe, 13 provintsiiada 440 adam qaýipti juqpaly aýrýdy juqtyrǵan. Virýstyń adamnan adamǵa juqqany anyqtalǵan.
22 qańtarda Ortalyq Qytaidaǵy Ýhan qalasynda ótken brifingte komissiia direktorynyń orynbasary Li Bin janýarlardy kirgizýge tyiym salynǵanyn málimdedi. Jańa virýs osy provintsiiada tirkelgen. Li Bin jańa virýsty taǵy 149 adam juqtyrǵanyn habarlady. Ol virýs tez taralady degenge dálel joq ekenin aitty.
Degenmen Aýrýdyń aldyn alý jáne baqylaý ortalyǵynyń bas direktory Gao Fýdyń aitýynsha, jańa virýs mýtatsiiaǵa ushyrap, beiimdelip jatyr.
Bir kún buryn jańa virýs AQSh-ta tirkelgeni habarlandy. 15 qańtarda Ýhan qalasynan Vashington shtatyna oralǵan er azamat 19 qańtarda dárigerlerge qaralǵan. Qazir onyń jaǵdaiy birqalypty.
22 qańtarda jańa virýstyń taralýy máselesin Dúniejúzi densaýlyq saqtaý uiymy talqylaidy.
