قازاقستان سىرتقى ٸستەر مينيسترلٸگٸ (سٸم) كوروناۆيرۋستىڭ وشاعى قىتايدىڭ ۋحان قالاسىنان ازاماتتارىن الىپ كەتۋ مەسەلەسٸن قاراستىرىپ جاتىر. بٸراق قىتاي بيلٸگٸ رۇقسات ەتپەي جاتىر دەپ مەلٸمدەدٸ سٸم ٶكٸلٸ ايبەك سماديياروۆ.
"قىتايداعى ديپلوماتتارىمىز قازاقستاندىقتاردى ەۆاكۋاتسييالاۋ جولىن قاراستىرىپ جاتىر. كارانتين جارييالانعان العاشقى كٷنٸ رەسمي حات جولدادىق. قىتاي بيلٸگٸ ەلٸ بٸردە-بٸر مەملەكەتكە رۇقسات بەرمەدٸ", – دەدٸ سماديياروۆ. ونىڭ سٶزٸنشە, "قىتاي بيلٸگٸ ۋحان قالاسىن جاۋىپ تاستاعان, ەشكٸمدٸ شىعارمايدى".
ۋحاندا 230 قازاق ستۋدەنتٸ بار. ەندٸ ستۋدەنتتەردٸڭ قاشان ورالاتىنى بەلگٸسٸز.
جاپونييا مەن اقش بيلٸگٸ ازاماتتارىن ەۆاكۋاتسييالاۋ جٶنٸندە مەلٸمدەمە جاسادى.
ۋحاندا قىرعىزستاننىڭ 15 ازاماتى بار. ولاردىڭ 14-ٸ ستۋدەنت. بۇل قالادا تەجٸكستاننان دا ونداعان ستۋدەنت وقيدى. بٸرنەشە ٶزبەكستاندىق وتانىنا ورالىپ ٷلگەردٸ.
قازاقستاننىڭ باس سانيتار دەرٸگەرٸ جانداربەك بەكشين قىتايداعى ستۋدەنتتەرگە تەك سٸم ارقىلى عانا كٶمەكتەسە الامىز دەگەن.
سوڭعى مەلٸمەت بويىنشا, 2019-nCoV كوروناۆيرۋسىمەن اۋىرعاندار سانى 2,8 مىڭ ادامعا جەتكەن. 81 ادام كٶز جۇمعان. اۋسترالييا, ۆەتنام, مالايزييا, نەپال, كورەيا, سينگاپۋر, اقش, تايلاند, فرانتسييا جەنە جاپونييادا ۆيرۋستى جۇقتىرعاندار انىقتالدى. دٷنيەجٷزٸلٸك دەنساۋلىق ساقتاۋ ۇيىمى ۆيرۋستىڭ تارالۋىن ۇلتتىق تٶتەنشە جاعداي دەپ مويىندادى, حالىقارالىق دەپ ەزٸرگە جارييالاي قويمادى.
