قىرعىزستان ءىىم قىلمىستىق ىزدەستىرۋ باس باسقارماسى جاپپاي تارتىپسىزدىكتەگە قاتىستى كۇدىكتى جەتى ادامدى ۇستادى. بۇل تۋرالى قىرعىزستاندىق 24.kg باسىلىمى جازدى، - دەپ حابارلايدى Dalanews.kz
مالىمەتتەرگە سايكەس جاپپاي تارتىپسىزدىكتەردى ۇيىمداستىرۋ ارقىلى بيلىكتى كۇشپەن باسىپ الۋ ماقساتىندا ۇيىمداسقان توپ قۇرىلعان.
"ءار قاتىسۋشىنىڭ رولدەرى بەكىتىلگەن (ۇيىمداستىرۋشىلار، كومەكشىلەر، قارجىگەرلەر جانە ورىنداۋشىلار). بۇل توپ بىشكەك ماڭىندا سپورتتىق ويىندار، سونداي-اق، باسقا دا جارىستار وتكىزۋدى جوسپارلادى. ۇلتتىق سپورت ويىندارى دەگەن جەلەۋمەن ولار زورلىق زومبىلىق ارەكەتتەرىنە شاقىرۋدى كوزدەدى، كونستيتۋسياعا قارسى ۇندەۋلەر شىعارۋدى، بيلىكتى ودان ءارى كۇشتەپ باسىپ الۋ ءۇشىن جاعدايدى تۇراقسىزداندىرۋدى كوزدەدى"، - دەپ حابارلادى قىرعىزستاننىڭ ءىىم.
بۇل ءىس بويىنشا قىلمىستىق ءىس قوزعالدى.
وسى ءىس بويىنشا توپتىڭ قاتىسۋشىلارى سانالاتىن ادامدار ۇستالدى:
- شەت مەملەكەتتەردىڭ ءۇش ازاماتى، ولاردىڭ ءبىرى شەت مەملەكەتتىڭ اۋماعىندا اسكەري قيمىلدارعا قاتىسقان؛
- بۇرىن قىلمىستىق باپتار بويىنشا سوتتالعان شۋ وبلىسىنىڭ ءۇش تۋماسى؛
- سونداي-اق ۇيىمداستىرۋشى - كۋبان ادىلۋۋلۋ، قىرعىزستان باس پروكۋرورىنىڭ بۇرىنعى ورىنباسارى. ونىڭ مىندەتىنە قارجىلىق قامتاماسىز ەتۋ، قۇقىق قورعاۋ ورگاندارىمەن بايلانىس، ولاردىڭ ىس-ارەكەتتەرى تۋرالى الىنعان اقپاراتتى بەرۋ، رولدەردى ءبولۋ جانە تارتىپسىزدىكتەر مەن بيلىكتى باسىپ الۋ كەزىندە ۇيلەستىرۋ كىردى.
