2024 جىلدىڭ 16 قازانىندا قىرعىزستاننىڭ شاتقال اۋدانىندا قار كٶشكٸنٸ جٷرٸپ, التى ادام قازا تاپقان. ونىڭ ٷشەۋٸنٸڭ دەنەسٸن قۇتقارۋشىلار 18 قازاندا اق ساي اسۋىنان تاپتى, تاعى ٷش ادام بٷگٸن تاڭەرتەڭ, 19 قازاندا تابىلدى. ولاردىڭ اراسىندا قىتاي ەلٸنٸڭ ازاماتى دا بار, دەپ حابارلايدى Dalanews.kz.
"9 قازاندا قانىش كييا اۋىلىنىڭ 14 تۇرعىنى, سونداي-اق قىتايدىڭ بٸر ازاماتى ٶسٸمدٸكتەر تامىرىن جيناۋ ٷشٸن تاۋعا شىعىپ, 16 قازاندا جوعالىپ كەتتٸ. ولاردىڭ سەگٸزٸ قورعان-ساي اۋىلىنىڭ ماڭىنان امان تابىلدى", دەلٸنگەن قىرعىز رەسپۋبليكاسى تجم باسپاسٶز قىزمەتٸنٸڭ رەسمي حابارلاماسىندا.
ٸزدەۋ جۇمىستارىنا تٸكۇشاق تا تارتىلعانى ناقتىلانادى.
